چلەیا ماتەمینی یا خودێ ژێ رازی “ئەمین ئسماعیل” هاتە گێران
تۆرا لالش يا راگههاندنێ
ب بیرەوەریا وەغەرکرنا خودێ ژێ “ئەمین ئسماعیل فرمان”زیندانیێ سیاسی و کادرێ لقێ (20) یێ شێخان یێ پارتی دیموکراتی کوردستان،ئيرۆ رۆژا ئینیێ رێکكەفتی 27/1/2017،بنگەهێ لالش تایێ شاریا ب هەڤکاری دگەل بنەمالا خودێ ژێ رازی چلەیا ماتەمینی ب چەندین چالاکیێن جودا گێران،ب ئامادەبوونا ژمارەکا زۆرا کەسایەتیێن حکومی و سیاسیی و حزبی و زیندانیێن سیاسیی و ریهسپی و ماقولێن دەڤەرێ و هەڤالێن خودێ ژێ رازی.
بۆ بیرئانینا گیانێ پاقژێ شەهیدێن کوردستانێ و سەرکاروانێ وان بارزانیێ نەمر و ئیدریسێ جانەمەرگ ب خۆلهكهك رێزگرتن ڕێ و ڕەسمێن چالاکیێ دەستپێکرن، پاشی پهيڤهك ژبال بنگەهێ لالش تايێ شاریا ژلایێ”دلدار حمید”ئەندامێ بنگەهى و لقێ 20 یا پارتی دیموکراتی کوردستان و کۆمەلا زیندانیێن سیاسی و “قادر قاچاغ” ڤه هاتنە خووندن، دڤان پەیڤاندا تەکەز ل کار و خەباتا خودێ ژێ رازی هاتەکرن هەر ژ دەستپێکا گەنجاتیا وی دا و ل 13 سالێن زیندانکرنێ ل زیندانا ئەبوغریب ل بەغدا و پشتی دەرکەفتنا وی ژ زیندانێ هەتا وەغەرا داویێ کری.
هەر دڤێ بیرئانینێدا راپۆرتەک دکیۆمێنتاری ل دۆر ژیانناما خودێ ژێ رازی هاتە نمایشکرن کو هاتبوو ئامادەکرن ژلایێ بەرێز “جهعفهر سمو” پەیامنێرێ تلەڤزیونا کوردستان تیڤی و بهرپرسێ راگههاندنا دهستهيا بلندا بنگههێ لالش ل دهۆکێ.
ل دووڤ دا پەیڤا بنەمالا خۆدێ ژێ رازی ژلایێ مامۆستا ” خلات ئسماعیل” ڤه هاتە خواندن و تێدا بخێرهاتنا ئامادەبوویان کر و هەر کەسەکێ پشکداربووی د سڤککرنا خەمێن وان دا.
تُتاح هذه الصورة أيضا في: کوردی