بنگەهێ لالش كار بۆ ناساندنا ئاینێ ئێزدیان ل ئەلمانیا دكت
تۆرا لالش یا راگەهاندنێ
دەزگەهێن پەنابەریێ یێن ئەلمانی باوەریێ و دانپێدانێ ب كارێ بنگەهێ لالش ل وی وەلاتی دكن بۆ ب رێڤەبرنا كاروبارێن پەنابەرێن ئێزدی،هەروەسا بنگەه یێ كار بۆ ناساندنا ئاینێ ئێزدیان بۆ جڤاكێ ئەلمانی دكت.
دلشاد سمۆ،بەرپرسێ بەشێ رەوشەنبیری یێ بنگەهێ لالش ل باژێرێ بیلیفیلد ل وەلاتێ ئەلمانیابۆ رۆژناما دەنگێ لالش دیاركر:”دهەموو چالاكیێن خۆ دا كار ل سەر ناسكرنا ئاینی ئێزدیان بۆ جڤاكێ ئەلمانی دكەین و ل سەر ڤی كاری بەردەوامین،ل سەر ئاستێ باژێر و ئەلمانیا هەتا رادەیەكێ باش ئەم هاتینە ناسكرن و كارێ مە ژی باوەری پێ هاتیە كرن و ل دەزگەهێن پەنابەریێ دا دانپێدان پێ دئێتە كرن وبەرچاڤ دئێتە وەرگرتن و گەلەك جاران مە كاغەز بۆ خەلكێ خۆ یێت چێكرین و كاری خۆ یێ پێ ب رێڤەبرین”.
سمۆ ئەو چەندە ژی ئاشكەراكر:”ئەڤە ماوێ هەیڤەكێ یە بابەتێ رەتكرنێ هاتیە پێش،دنێرینا دەزگەهێن پەنابەریێ دا ئەو وەلاتێن دئێنە هژمارتن ئارام مینا كوردستانێ،كو هەر پەنابەرەكێ مافێ رەتكرنێ بستینت هەولدانەكا رژد یا هەی ڤەگەرتە وەلاتێ خۆ،ب شێوەیەكێ گشتی ل ئەلمانیا و ل دەڤەرا مە ژی دێ هەولدەین ڤی بابەتی دچاڤپێكەفتنێن خۆ دا یان ب نامان دگەل دەزگەهێن پەیوەندیدار بەحس بكەین بۆ پەنابەرێن ئێزدی”.
تُتاح هذه الصورة أيضا في: کوردی