دۆگلاس سلێمان: ئەمریکا شازیێ ب پشتەڤانیکرنا پێشمەرگەیێ دکهت
waar-دهۆك:
بالیۆزێ ئەمریکا ل ئیراقێ د دیدارەکێ دا د گەل سەرۆکێ ھەرێما کوردستانێ دا راگەھاند؛ ئەمریکا شانازیێ ب پشتەڤانیكرنا پێشمەرگەی دكەت و دوپاتکر ئەو پشتەڤانییە دێ بەردەوام بیت.
ل گۆری راگەھاندنەکا سەرۆکاتیا ھەرێمێ، ئەڤرۆ مەسعوود بارزانی سەرۆکێ ھەرێما کوردستانێ پێشوازی ل دۆگلاس سلێمان بالیۆزێ ئەمریکا ل ئیراقێ کر و د دیدارەکێ دا، بالیۆزێ ئەمریکا رۆلێ ھێزێن پێشمەرگەی ل شەرێ دژی داعشێ بلند نرخاند و راگەهاند ئەمریکا شانازیێ ب پشتەڤانیكرنا پێشمەرگەی دکەت و دا زانین، پشتەڤانییا وان بۆ ھەرێمێ دێ بەردەوام بیت.
ھەروەسا سلێمانی ئەجندایێن ئیدارەیا نوو یا ئەمریکا ل سهر ئیراقێ و دەڤەرێ و شەرێ دژی تیرۆرێ بۆ بارزانی خستنە بەرچاڤ.
ژ ئالیێ خوەڤە سەرۆکێ ھەرێما کوردستانێ سوپاسییا گەل و حکومەتا ئەمریکا کر، کو ل شەرێ دژی تیرۆرێ دا، پشتەڤانییا گەلێ کوردستانێ و پێشمەرگەی بوون و دوپاتکر کو ئەمریکا و پێشمەرگەی د سەنگەرێن ئەڤپشکێن شەری دانە ل دژی تیرۆرستان، لەو دۆستایەتییا د ناڤبەرا ئەمریکا و کوردستانێ دا پێدڤییە ھەبیت.
بارزانی و سلێمانی پرۆسەیا سیاسی یا ئیراقێ و داوی پێشھاتێن دەڤەرێ و شەرێ دژی داعشێ گۆتووبێژکرن.
تُتاح هذه الصورة أيضا في: کوردی