بارزانی: دێ ههموو دهمێ خوه بۆ سهرخوهبوونێ تهرخان كهم
WAAR-دهۆك:
سهرۆكێ ههرێما كوردستانێ راگههاند؛ ئێدی ئهو خوه بۆ پۆستێ سهرۆكایهتییا ههرێمێ بهربژار ناكهت و دێ ههموو دهمێ خوه بۆ پرسا سهرخوهبوونێ تهرخان كهت.
رۆژنامهیا لیمۆند یا فرهنسی، ههڤپهیڤینهكا درێژ دگهل مهسعوود بارزانی سهرۆكێ ههرێما كوردستانێ كرییه و تێدا، ئاشكراكرییه كو ههرێم و بهغدا رێككهڤتنهكا مهبدهئی ل دۆر مووسلا پشتی داعشێ ههیه، لێ پێدڤییه كۆمیتهیهكا بلند كو نوونهراتییا ههموو ئالییان بكهت، بۆ برێڤهبرنا مووسلێ بهێته پێكئینان و پێدڤییه بهێته زانین ژی بهریا داعشێ، 300 هزار كورد ل مووسلێ دژیان و كورد پترییا جڤاتا پارێزگهها نهینهوا پێكدئینن.
سهرۆكێ ههرێمێ باس ل كێشهیێن ناڤخوه یێن ههرێمێ ژی كر و گۆت: ل مهها ئیلونا ئهڤ ساله، ههلبژارتنێن سهرۆكایهتی و پهڕلهمانی دێ ل ههرێمێ هێنه كرن و دهنگێن وهلاتییان باشترین چارهنه بزانین كی ژ ههژی دهستههلاتداریێ یه، لێ ب چو رهنگان ئهو خوه بهربژارناكهت و دێ پشتهڤانێ ههر كهسهكی بیت كو ب دهنگێن وهلاتییان ببیته سهرۆك.
بارزانی دهربارهیی ریفراندۆم و سهرخوهبوونا كوردستانێ ژی گۆت: پترییا گهلێ كورد دگهل وێ یهكێ یه، ریفراندۆم باشترین چارهیه بۆ بداوی ئینانا كێشهیێن دگهل بهغدا و گۆت ژی: ئێدی ئهو دێ ههموو دهمێ خوه بۆ سهرخوهبوونا كوردستانێ تهرخان كهت.
تُتاح هذه الصورة أيضا في: کوردی