فراكسیۆنا پارتی: په‌كه‌كێ 515 گوند ل هه‌رێمێ داگیر كرینه
WAAR-دهۆك:
فراكسیۆنا پارتی ل په‌رله‌مانێ كوردستانێ راگه‌هاند: په‌كه‌كێ پێنجسه‌د و پازده گوندێن هه‌رێمێ داگیر كرینه، سێسه‌د و چوار ژ وان ل سنۆرێ پارێزگه‌ها دهۆكێ نه.
فراكسیۆنا پارتییا دیمۆکرات یا کوردستانێ ل په‌رله‌مانێ كوردستانێ راگه‌هاندنه‌كێ سه‌باره‌ت په‌كه‌كێ به‌لاڤ كر و راگه‌هاند: په‌كه‌كێ پێنجسه‌د و پازده گوندێن هه‌رێمێ داگیر كرینه و سێسه‌د و چوار ل سنۆرێ پارێزگه‌ها دهۆكێ نه و سه‌د و حه‌فتێ و حه‌فت ژی، ل پارێزگه‌ها هه‌ولێرێ و سیهـ و چار ژی، ل سنۆرێ پارێزگه‌ها سلێمانیێ نه، له‌ورا تا نها حكومه‌تا هه‌رێمێ، ژ به‌ر ده‌ستهه‌لاتا په‌كه‌كێ نه‌شیایه خزمه‌تگۆزاریێن پێدڤی بۆ وه‌لاتیێن وان ده‌ڤه‌ران دابین بكه‌ت.
دایه زانین ژی: درێژه‌پێدانا سیاسه‌تێن تۆتالیتارییێن په‌كه‌كێ ل رۆژئاڤایێ كوردستانێ گه‌هشتییه ئاسته‌ك مه‌ترسیدار و هه‌ر ده‌نگه‌كێ به‌رۆڤاژی سیاسه‌ت و ئایدۆلوژیایێن وێ بیت، بنبر دكه‌ت و نها گرتیخانه‌یێن وێ ژ مرۆڤێن ئازادیخواز پرن.
فراكسیۆنا پارتی ئاماژه دایه وێ یه‌كێ ژی: ته‌ڤی شه‌رمزاركرنا كریارێن په‌كه‌كێ، لێ ئه‌و ئاگه‌هدار دكه‌ن كو ده‌ستان ژ سیاسه‌تا بنبركرنێ به‌ربده‌ت، داكو زێده‌تر رووبرووی شه‌رمزاریێن دیرۆكی نه‌بیت.
تُتاح هذه الصورة أيضا في: کوردی