فەیسبوک ماسنجەر تایبەتمەندییەکا نوو زێدەکر
ئێن ئارتى
کۆمپانیا فەیسبوک نووترین تایبەتمەندی بۆ ماسنجەرى زێدەکر، کو ئەو ژى شاندنا جهێ بکارهێنەرێن وی بەرنامەیە بۆ کەسێن بەرامبەر ب ئاوایەکێ بەردەوام.
ستان چدنۆڤسکی سەرۆکێ بەشێ بەرهەمئینانا یەکەیا تایبەت ب بەرنامەیێ ماسنجەر راگەهاند، کو ئەوان تێبینیا وێ چەندێ کریە، ئێک ژ وان رستێن گەلەک دناڤ بەرنامەیدا دهێتە بکارئینان “تۆ ل کیڤەیی؟” یە، یان ئەو رستێن دن کو هەڤ ئاوایێ وێ رستێ نە، گوت ژى “د راستیدا خەلک ژى هەر ڤێ بکاردئینن و هەر ئەڤە ژى لدەڤ وان گرنگە”.
ئەو تایبەتمەندییا نوو ژى بۆ بکارهێنەران ب ئاوایەکێ هەلبژاردانەیە، بەلێ چێدبیت بکارهێنەر بۆ دەمێ ٦٠ خۆلەکان بکاربینیت، ئانکو بۆ وی دەمی دشێت بەردەوام جهـ و لڤینێن خۆ بۆ کەسێ بەرامبەر بشینیت.
بەرى نها بەرنامێ ماسنجەر ب ئاوایەکێ سەرەکی ب بەرنامێ فەیسبوکى ڤە گرێدایی بوو، بەلێ ل سالا ٢٠١٤ێ، وێ کۆمپانیێ بەرنامێ ماسنجەر بۆ بەرنامەکێ سەربەخۆ جوداکر و ژ وی دەمی بەردەوام تایبەتمەندیێن نوو و جودا بۆ وی بەرنامەیی و خزمەتکرن و راکێشانا بکارهێنەران زێدە دکەت.
تُتاح هذه الصورة أيضا في: کوردی