جڤاتا سنوونێ:حكوومەتا نەینەوا هەمبەری ئاوارەیان ب ئەركێ خۆ رانەبوویە
تۆرا لالش یا راگەهاندنێ
ئەندامەكێ جڤاتا ناوچەدارییا سنوونێ ئاشكەراكر،كو حكوومەتا ناڤخۆیی ل نەینەوا هاریكاری كێم پێشكێشی ئاوارێن سنوونێ كرینە و هەمبەری وان ب ئەركێ خۆ رانەبوویە،دخوازین خەلكێ ڤەدگەرت بێتە قەرەبووكرن و خیڤەت بۆ ئاوارەیان بێنە دابینكرن.
سلێمان فانۆ،بۆ رۆژناما دەنگێ لالش دیاركر،حكوومەتا ناڤخۆیی ل نەینەوا هاریكاری كێم پێشكێشی ئاوارێن سنوونێ كرینە و هەمبەر ئاوارەیان و یێن ڤەدگەرنە دەڤەرێ و جهێن خۆ ب ئەركێ خۆ رانەبوویە ،رەوشا وان نەیا باشە سەبارەت ب ژیانێ،چنكو زۆرینەیا وان دخیڤەت و كاڤل و كەمپێن نە رێكخستی یان فەرمی دا دژین،ئەوێن ڤەدگەرنە جه و دەڤەرێن خۆ حالێ وان وەك یێ ئاوارەیانە،داخوازێ ژ حكوومەتا نەینەوا دكەین ب ئەركێ خۆ رابت بۆ دابینكرنا خزمەتكاریێن سەرەكی بۆ وەلاتیان و فشارێ ل حكوومەتا بەغدایێ بكت بۆ دەرێخستنا میلشیاتێن نە رێكخستی و یێن بیانی یێن ل دەڤەرێن شنگالێ دا ب سپاندنا یاسایێ،دیسان دابینكرنا دەلیڤێن كاری بۆ وەلاتیان،چنكو رێژەیا بێكاریێ هەتا 90%ێیە و خەلكێ ڤەدگەرت بێتە قەرەبووكرن چ ب گوژمەكێ هێما بت،داكو بكارن تشتێن فەر بۆ مالێن خۆ بكرن و دابینكرنا خیڤەت و تشتێن فەر بۆ ئاوارەیان.
فانۆ رۆنكرژی پتر ژ چار هەزار خانیان هاتینە هەرفاندن چ ب رێیا پەقینان یان سۆتنێ و خانیێن دی هاتینە تالانكرن ،ژبەرنەبوونا دەلیڤێن كاری وەلاتی نكارن تشتێن پێتڤی بكرن بۆ خێزانێن خۆ.
تُتاح هذه الصورة أيضا في: کوردی