شەریف سلێمان:كوردێن ئێزدی دڤێن دەشتا نەینەوا ببتە پارێزگەه و سەر ب كوردستانێ ڤە بت
تۆرا لالش یا راگەهاندنێ
ئەندامێ خۆلا بەرێ یێ پەرلەمانێ عێراقێ ل سەر لیستا هەڤپەیمانیا كوردستانی (شەریف سلێمان) راگەهاند،پشتی پارێزگەهبوونا شنگالێ ژی پارێزگەهبوونا دەشتا نەینەوا ئێكە ژ كارێن هەری پێتڤی و گرنگە،هندەك لایەنان دڤێن ئەڤ دەشتە سەر ب حكوومەتا عێراقێ ڤەبت یان سەربەخۆ بت،بەلێ كوردێن ئێزدی ب هەموو شێوەیەكی ڤی تشتی رەت دكن و وان دڤێن پارێزگەهەك بت سەر ب هەرێما كوردستانێ ڤە.
سلێمان بۆ رۆژناما دەنگێ لالش گۆت:ئەم وەك كوردستانی ب هەموو پێكهاتان مە پشكداری ددانا دەستورەكی دا كر و مە بەرەف پێشڤە بر، ئەگەر كوردستان نەبا،بەلێ ب دروستی لایەنێن عێراقی ڤی دەستووری بجهنائینن، دڤێ دەرفەتێ دا باشترە دانوستاندنێ ل گەل بەغدایێ بكەین و چاوانیا چارەسەركرنێ بزانین،چنكو هەموو كێشەیێن مە ب دەستورەكی ڤە دگرێداینە ،پێتڤیە ئەم پێشەكیێ ناڤمالیا كوردی رێك بێخین ژبۆ گفتوگۆكرنێ،نابت هەر لایەنەك بۆ خۆ و ب ئەجیندایێن وەلاتێن دەوروبەر كاربكن،ژبەركو هەتا نۆكە ناڤمالیا كوردی كێشە هەینە ، داكو ئەم كار بۆ سەربەخویی و ریفراندۆمێ بكەین،هەروەسا پارتی باوەریەكا تمام ب سەربەخۆیێ هەیە و هندەك لایەنان دڤێن ڤی بابەتی پاش بێخن ، بەلێ سەرۆك بارزانی هیچ جاران ژی ل سەر ڤێ پرسێ پۆشمان نەبوویە و رژدە ل سەر ڤی بابەتی ،چنكو مافەكێ رەوایێ گەلێ كوردە،پشتی پارێزگەهبوونا شنگالێ ژی پارێزگەهبوونا دەشتا نەینەوا ئێكە ژ كارێن هەری پێتڤی و گرنگە،هندەك لایەنان دڤێن ئەڤ دەشتە سەر ب حكوومەتا عێراقێ ڤەبت و هندەكان دڤیـَت سەربەخۆ بت،بەلێ كوردێن ئێزدی ب هەموو شێوەیەكی ڤی تشتی رەت دكن و وان دڤێت پارێزگەهەك بت سەر ب هەرێما كوردستانێ ڤە.
دووپاتكرژی پێـتڤیە پارێزگەهبوونا دەشتا نەینەوا ل سەر بنەمایەكێ سیاسی و ئۆلی و جوگرافی بێتە دروستكرن.
تُتاح هذه الصورة أيضا في: کوردی