40مەزارگەه و نیشانگەهێن ئێزدیان ل باشیكێ دئێنە ئاڤاكرن
تۆرا لالش یا راگەهاندنێ
ل دەڤەرێن بەحزان و باشیكێ 40مەزارگەه و نیشانگەهێن ئێزدیان هەنە،دەمێ تیرۆرستێن داعشێ دەست ب سەر دەڤەرێ دا گرتی هەموو پەقاندن، جارەكا دی ژلایێ كەسێن خێرخواز ڤە دووبارە دەست ب ئاڤاكرنا وان هاتیە كرن.
ئەندازیار خەیری كدی،ئێك ژ وان ئەندازیارێن خۆبەخشە كار ل سەر ئاڤاكرنا مەزارگەه و نیشانگەهێن ئێزدیان دكت،بۆ رۆژناما دەنگێ لالش دیاركر ل دەڤەرا بەحزان و باشیكێ 40 مەزارگەه و نیشانگەهێن ئایینێ ئێزدیا هەبوون مێژوویا وان دزڤرت بۆ بەری نەه سەد سالان هەموو ژوان ژلایێ رێكخراوا تیرۆرستی یا داعشێ ڤە هاتبوونە پەقاندن دەمێ دەست ب سەر دەڤەرێ داگرتی،پشتی هاتیە رزگاركرن ژلایێ هێزێن پێشمەرگەی ڤە نۆكە ژنوو كار ل سەر ئاڤاكرنا وان مەزارگەه و نیشانگەهێن ئایینی دكەین یێن دەڤەرا بەحزانێ كو ژمارا وان دبتە 30و ژ15نیشانگەهان 14هاتینە دروستكرن و كار ل سەر مەزارگەهان دئێتەكرن،ئەڤ پرۆژە ژلایێ كەسێن خێرخواز ڤە هاتیە كرن خەلكێ وان دەڤەرا بخۆ دراڤ دابینكریە كو مەزارگەهێن وان دوبارە بێنە ئاڤاكرن و گۆت:((10نیشانگەه و مەزارگەه ل باشیكێ نە و هەتا نۆكە كار ل سەر نەهاتیە كرن )).
كدی ئاشكەراكرژی ل دەمەكێ نێزیك هەموو مەزارگەهێن ئێزدیان ل وان هەردوو دەڤەرا دێ ئێنە ئاڤاكرن،ژبەركو پێشمەرگە دێ وان دەڤەرا پارێزت و ناهێلت جارەك دی كەسەك ڤان مەزارگەهان تێك بدەت،چونكو پێشمەرگەی خۆ ل ڤان دەڤەرا كریە خودان.
تُتاح هذه الصورة أيضا في: کوردی