نوشدارهكێ ئیتالی: دێ مریان ساخ كهم
ئهڤرۆ نیوز:
نوشدارهكێ ناڤدارێ ئیتالی بانگهشهیا وێ چهندێ دكهت كو ئهو كهسێن پشتی مرنێ مێشكێ وان ب تهكنیكا فشارا كوور “تجمد عمیق” دهێته راگرتن، دشیان دایه د ماوێ سێ سالان زیندی بمینن.
پرۆفیسۆر سێرچیۆ كاناڤارۆ، رێڤهبهرێ گرۆپێ نشتهرگهریێن پێشكهفتی ل كۆمهلا دهماران ل تورینۆ، دڤێ د ماوێ 10 ههیڤێن بهێت دا، ئێك ژ دژوارترین نشتهرگهری ئهنجام بدهت، ئهو ژی چاندنا سهری یه بۆ لاشهكێ دی، ئهو ژی نهخۆشهكێ رۆسی یه، كو ههموو لاشێ وی ئیفلیج بوویه و ب تنێ سهرێ وی كار دكهت.
ب سهدههان كهس ل بهر مرنێ نه یان ژی تووشی ئیفلیجا لاشی بووینه و بڕیار دایه ب ڤێ تهكنیكێ مێشكێ خوه ههلگرن و چاڤهرێ وێ چهندێ بكهن كو ئهو تهكنیك زێدهتر پێش بكهڤیت و جارهكا دی ڤهگهرنه ژیانێ، ئهڤه ژی د پێناڤی رزگاربوون ژ نهخۆشیا ئیفلیجێ.
ئهڤ پرۆفیسۆره د وێ باوهرێ دایه كو د ماوهكێ نێزیك دا دێ ژیاندنا مێشكێ ئێكێ یێ جهمهدگرتی ئهنجام دهت.
ئهو نهخۆشێ رۆسی یێ دێ نشتهرگهری بۆ هێته كرن
كاناڤارۆ د چاڤپێكهفتنهكێ دا ل گهل كۆڤارا “ئووم” یا ئهلمانی ئاشكهرا دكهت كو پرۆسا زیندوكرنا نهخۆشان، ل دامهزراوا “ئهلكۆر”ی ویلایهتا ئهریزۆنا یا ئهمریكا ب رێڤه چیت.
دبێژیت: “ئێكسهر پشتی وێ نشتهرگهریا چاندنا مێشكێ مرۆڤی و ڤهگوهاستنێ بۆ لاشهكێ دی، دشیان دایه دهست ب زیندیكرنا مێشكێ بكهین”.
ئهو پرۆفیسۆر تهكستێ ل سهر وێ چهندێ دكهت كو نشتهرگهریا چاندنا مێشكی، چو كێشێن لاوهكی نینن، ب تایبهت كارڤهدانا لاشی بۆ رهتكرنا مێشكێ چاندی، ب گۆرهی گۆتنێن وی، چونكو سیستهمێ بهرهڤانیێ كاڤهدان نامینیت.
روون ژی كر كو چاندنا مێشكی دێ دهرفهتهكێ ئێخیته بهر سینگێ مرۆڤاتیێ دا كو بزانن پشتی مرنێ چو ژیانهكا دی ههیه، ل گهل وێ چهندێ ژی ئاماژه ب ههبوونا كێشێن دی یێن لاشی و دهروونی دكهت كو پشتی نشتهرگهریێ روو ددهن.
كاناڤارۆ دبێژیت: “ئێك ژ كێشان ئهوه كو چو پشكهك ژ لاشێ دهرڤهیێ مرۆڤی وهكو خوه نامینیت، خوه سهر ژی، ب تنێ مێشك نهبیت، دێ چیته سهر لاشهكێ جودا، ئهو ژی دێ هندهك كاودانێن دی ئینیته پێش كو ب چو رهنگهكی ب ساناهی نینن”.
ل گهل هندێ ژی كاناڤارۆ یێ رژد ل سهر بزاڤێن خوه، بهلێ نوشدارێن بریتانی گۆمان یا ل سهر ههیی، كو ئهندامهكێ ئالۆزێ لاشی وهكو مێشكێ مرۆڤی، پشتی بهستینی، جارهكا دی بكهڤیته كاری و بهێته ژیانێ.
ههر چهنده دادگهها بلندا ئیتالیا رهزامهندی ل سهر ههلگرتنا لاشێ كچهكا سنێله دایه، بهلێ نوكه شارهزا دبێژن، ئهگهرێن ڤهگهریانا وێ كچێ بۆ ژیانێ، گهلهك د لاوازن.
پرۆفیسۆر كلایڤ كۆین، مامۆستایێ زانستێ كۆئهندامێ دهماران ل زانكۆیا كینگ ل لهندهن دبێژیت: “ئهوێن بانگهشێ بۆ وێ تهكنیكا نوو دكهن، نهشێن چو ڤهكۆلنیان بینن كو گیاندارهكێ شیردهر، ب وێ تهكنیكی پشتی بهستنێ ڤهگهریابیته ژیانێ، چ ئهو لاشێ گیاندارێ شیردهر د شلهیا نایترۆجینی ژی دا ههلگرت بیت”.
پرۆفیسۆر كاناڤارۆ ل گهل بزاڤێن نوشداری بۆچوونهكا دی یا تایبهت ب ژیانا مرۆڤان ڤه ههیه و دبێژیت: “ههكه چاندنا سهرێ مرۆڤی سهربگریت، ئهڤه دێ بیته ئاماژهكا دی یا كوور بۆ هشیاریا ژیانا مرۆڤی و دێ كارتێكرن ل سهر ئاینێ مرۆڤان ژی ههبیت.
كاناڤارۆ دبێژیت: “د ماوێ چهند ههیڤهكێن كێم دا و د نشتهرگهریهكا كێم وێنه دا كو بهری نوكه نههاتیه كرن، دێ سهرێ نهخۆشهكی ل سهر لاشهكی جودا كهین، كو ب چو رهنگهكی ژیانا د ناڤ وی سهری دا نامینیت”.
دبێژیت ژی: “ههكه شیاین ئهوی نهخۆشی ڤهگهرینینه ژیانێ، ئهڤه دێ راپۆرتا ئێكێ یا راست وهرگرین دهربارهیی ژیانێ پشتی مرنێ، چاندنا سهری بۆ جارا ئێكێ دهرفهتا وێ چهندێ ددهت دیاركرن دا كو بزانین ژیانهك پشتی مرنێ ههیه یان نه؟”.
ئهو پرۆفیسۆرێ ئیتالی بهردهوامیێ ددهته گۆتنێن خوه و دبێژیت: “ههكه مه سهلماند كو مێشك زیندی دبیت، ئهڤه ئاین بۆ ههتا ههتایێ نامینیت، چونكو مرۆڤی پێدڤی پێ نابیت و ژ مرنێ ناترسیت و مهرگ نامینیت، پێدڤی ناكهت بچیته كهنیسه و مزگهفتان، ئهڤه ژی دێ بیته خالهكا وهرچهرخان د مێژوویا مرۆڤاتیێ دا”.
تُتاح هذه الصورة أيضا في: کوردی