ژ دوهی ڤە هێرشەکا دی یا ئەلیکترۆنی بۆ سەر هزاران کۆمپیۆتەرێن جیهانێ دەستپێکریە
ئێن ئارتى
شارەزایێن تاوانا ئەلیکترۆنی راگەهاندن، ژ دوهی ڤە هێرشەکا دی یا نهێنی و ڤەشارتی بۆ سەر سەدان هزار کۆمپیۆتەران د جیهانێ دا دەستپێکریە و مەبەست ژ وێ ئێکێ کومکرنا سامانی یە ژلایێ وان هاککەران ڤە.
ئاژانسا نووچەیێن فرانس پرێس بەلاڤکریە، هاککەران ب هەمان ئاوایێ هێرشا ئینا بووری ویندۆزێ ئیکس پی-یان ب کارئانی یە و سەدان هزار کۆمپیۆتەرێن دی یێن جیهانێ هاککرنە بێ کو بکارهێنەر بزانن.
ئاماژە ب وێ ئێکێ ژی کر، ئەو هێرش ب رێیا ڤایرۆسێ (وەنە کرای)ڤە هاتیە ئەنجامدان و نیشان ژی ئەوە کو کۆمپیۆتەر گەلەک خاڤ دبیت.
ئەڤ ئێک ژی د دەمەکێ دایە کو رۆژا ئینایا بووری، ٢٠٠ هزار سیستەمێن ئەلیکترۆنی ل ١٥٠ وەلاتێن جیهانێ بووینە قوربانیێ ئێک ژ مەزنترین هێرشێن ئەلیکترۆنی، کو هەیا نها د دیرووکێ دا روینە دایە.
وێ هێرشێ مفا ژ بکارهێنەرا لاوازیا ئێک ژ ڤێرژنێن مایکرۆسۆفت ویندۆز وەرگرتیە کو ل دەزگەهێ هەوالگیریا ئەمریکا دزیە.
ئەو هاککەرێن ئەو هێرش ئەنجامداین ڤالاهیەکا ویندۆز ئکسپی بکارئانی نە بۆ بئامانجکرنا قوربانیان، ب ئاوایەکێ کو ب رێیا ئیمەیڵێ سەختە ڤە ڤایرۆسەک رەوانەکرنە ب ناڤێ (وەنە کرای) واتە دخوازی بگری؟! ئەو کۆمپیۆتەرێن هاککری تەڤایا فایل و زانیاریان قۆفل بوونە، و لهەمبەر دوبارەکرنا وان فایل و زانیاریان، داخوازا ٣٠٠ بۆ ٦٠٠ دۆلاران دکەت.
د دیماهیک کارڤەدانا وێ هێرشا ئەلیکترۆنی ژی دا پۆلیسێن ئێکەتیا ئەوروپا راگەهاندن، ژبەر وێ هێرشێ دێ جیهان رویبریێ گەفەکا مەزن بیت و ژ وێ ئێکێ ژی مەترسیدارتر، هێرشا داهاتی یا وان هاککەرانە.
تُتاح هذه الصورة أيضا في: کوردی