نێچیرڤان بارزانی دگهل كوردێن رۆسیا كۆمبوو
WAAR-دهۆک:
سهرۆكوهزیرێن ههرێما كوردستانێ، دگهل قوتابیێن كورد و رهڤهندا كوردی ل رۆسیا و راگههاند؛ ههرێمێ لاپهرهیهكێ نوو یێ پهیوهندیێن سیاسی و دبلۆماسی و ئابووری دگهل رۆسیا ڤهكر.
نێچیرڤان بارزانی سهرۆكوهزیرێن ههرێما كوردستانێ و شاندا دگهل دا، ئهڤرۆ سپێدێ ل باژارێ سان پترسبۆرگ، دگهل قوتابیێن كورد و رهڤهندا كوردی ل رۆسیا كۆمبوو و باس ل ژیانا وان یا رۆژانه و چالاكیێن وان یێن كلتووری و سیاسی و روشنبیری كرن و پشتهڤانییا حكومهتا ههرێما كوردستانێ بۆ راگههاند.
سهرۆكوهزیری باس ل سهرهدانا شاندا بلندا حكومهتا ههرێمێ بۆ رۆسیا كر و گۆت: رۆسیا وهلاتهكێ گرنگه و د كۆمبوونا وان یا دگهل سهرۆكێ رۆسیا دا، پۆتینی دوپاتی ل پهیوهندییێن دیرۆكی كرینه و دا زانین ژی: لاپهرهیهكێ نوو یێ پهیوهندیێن سیاسی و دبلۆماسی و ئابووری، دناڤبهرا ههرێم و رۆسیا دا ڤهبوو.
تُتاح هذه الصورة أيضا في: کوردی