ئۆلمپييێ عيراقێ لياريگهها فرهنسو حهريری ب ههڤالينی دێ رووبروو ئۆلمپييێ سووريێ بيت
WAAR-دهوك:
د چارچووڤێ بهرههڤیێن ههردوو تیمان بۆ پشكدارییێ د ڤاڤارتنێن قارهمانییا كۆپا ئاسیا دا بۆ یاریكهرێن كێمتر ژ ژییێ 23 سالییێ، چاڤهرێ یه لدووماهییا ههیڤا خزیرانێ ههلبژارتییێ ئۆلمپییێ عیراقێ بسهركێشییا راهێنهر عهبدلغهنی شهههدی دوو یاریێن ههڤالینی دگهل ههلبژارتیێ ئۆلمپییێ سووریێ لیاریگهها شههید فرهنسو حهریری ل ههولێرا پایتهختێ كوردستانێ بكهت، ئێكهتییا فوتبۆلا سووریێ دووپاتكرییه، كو وان ههردوو یاری ژ یاریگهها بهیرۆت ڤهگوهاستینه یاریگهها ههولێرێ و رازیبوونا ئێكهتییا فوتبۆلا عیراقێ وهرگرتییه، ههر دڤی بیاڤی دا بهرپرسێن فوتبۆلا سووریێ بهلاڤكرییه كو ئۆلمپییێ سووریێ ل 24 ڤێ ههیڤێ دێ گههیته ههولێرێ و ل 26 و 29 خزیرانێ دێ دوو یاریێن ههڤالینی بهرامبهر ئۆلمپیێ عیراقێ لیاریگهها فرهنسو حهریری كهت، ههژی گوتنێ یه پشتی فیفایێ ل گۆلانا بوری دوورپێچا نێڤدهولهتی لسهر یاریگههێن عیراقێ بهروهخت بۆ سێ ههیڤان راكری، یارییا جهویه و زهورا ژ كۆپا ئێكهتییا ئاسیا لههیڤا بۆری ئێكهم یارییا فهرمی بوو لیاریگهها فرهنسو حهریری هاتییه كرن، و بهری دوو رۆژا عیراق و ئوردن ب ههڤالینی لیاریگهها بهسرا رووبروو ههڤببون.
تُتاح هذه الصورة أيضا في: کوردی