هشیار زێباری: نابیت چو وهلاتێن دیمۆكراتی لدژی ریفراندۆما ههرێمێ راوهستن
WAAR_دهوک
هشیار زێباری ئهندامێ مهكتهبا سیاسی یا پارتی دیمۆكراتی كوردستان راگههاند؛ ریفراندۆم كارهكێ دیمۆكراتییه و نابیت چو وهلاتێن ب ناڤێ دیمۆكراتیهتێ دئاخفن، ل دژی ریفراندۆما ههرێمێ راوهستن.
د ههڤپهیڤینهكێ دا دگهل ئاژانسا رۆیتهرز، هشیار زێباری گۆت: دهنگدانا چاڤهرێكری یا ب بهلێ ل سهر ریفراندۆما سهرخوهبوونا ههرێما كوردستانێ، ب رامانا ئێكسهر راگههاندنا سهرخوهبوونێ ناهێت، بهلكو دێ پێگههێ ههرێمێ د دانوستاندنێن دگهل بهغدایێ دا بهێزكهت.
گۆت ژی: ریفراندۆم مافهكێ سرۆشتی یێ گهلێ كورده و كارهكێ گهلهكێ دیمۆكراتییه، لهو نابیت چو وهلاتێن دیمۆكراتی ل دژی وێ گاڤا ههرێما كوردستانێ راوهستن.
تُتاح هذه الصورة أيضا في: کوردی