WAAR-دهۆك:
جیھانێ خاترا خوە ژ زارۆیەکێ موعجیزە خواست، ئەو ژی زارۆیەکێ ئەمریکی بوو دەما خودێ دای بێ دفن بوو، ئەڤە ژ وان حالەتێن گەلەک کێمە دجیھانێ دا، بابێ وی د ئەکاونتێ خوەیێ فەیسبوکی دا راگەھاند .
ئەڤ زارۆکێ بناڤێ “ئیلای” رۆژبوونا وی یا دویێ بەری چەند ھەیڤان ھاتبووکرن، ئەڤ زارۆکە خەلکێ ویلایەتا ئالاباما یا ئەمریکی بوویە، جێرمی فێنیش کو بابێ ڤی زارۆکی یە گۆت: “مە باوەرنەکر ماوەیەکێ کورت و ب لەزدا دێ تە ژدەست دەین، دێ ھەردەم د دلێ مە دا بی ئەی زارۆکێ پیرۆز “.
ئەڤ حالەتە ل جیھانێ کێم رووددەن ، دبیت د جیھانێ ھەمویێ دا ب تەنێ دێ ٤٠ کەسان بینن ژوان زارۆیێن شنی خودێ ددەت کو دفن نەبیت، ئەو ژی ل دوووڤ گوتنێن تورا میدیا یا سی ئێن ئێن یا ئەمریکی بوویە .
ھەروەکو  سی ئێن ئێنێ دیارکری کو براندی میگلاسیلی دەیکا وی زارۆکی دبێژیت: “دەما زارۆک خودێ دای من زانی نەیێ باشە و من گوتە نوژداری ژی کورێ من نەیێ باشە لێ نوژداری دیارکر کو یێ باشە، پاشان دگەل نوژداری ئاخفتم و من گوتێ تەماشە بکە کورێ من دفن نینە “.
ژدەسپێکا ژدایکبوونا وی کوری چاڤدانەکا تایبەت بو دھاتەکرن ،و نشتەرگەریەک ژی بۆ ستۆیێ وی هاتە ئەنجام دان، دا ھاریکاریا وی بۆ ھەناسەدانێ و خوارنێ بکەت، دەزگەھێن راگەھاندنێ ئڤ زارۆەک ب ناسناڤێ زارۆیێ موعجزە بنافکرن .
و خێزانا وی گوت: کو سوپاسی یا ھەرکەسەکی ل ھەموو جیھانێ دکەین کو هەڤسوزیا خوە بۆ کورێ مە ئیلای دیارکرین و داخوازێ ژ ھەوە دکەین دوعایان بۆ بکەن .