WAAR-دهۆك:

فەرماندەیا ئۆپەراسیۆنێن ھەڤپشک راگەھاند؛ نھا تنێ ئێک ژ سەدێ یا ئالیێ راستێ یێ مووسلێ ل ژێر کۆنترۆلا تیرۆرستێن داعشێ دایە.
عەمید یەحیا رەسول پەیڤدارێ ئۆپەراسیۆنێن ھەڤپشک د بەیاننامەیەکێ دا دیارکر، نھا پێشڤەچوونێن ھێزێن ئیراقی بۆ رزگارکرنا تەڤایا باژارێ مووسلێ بەردەوامن، ئاماژەکر ئارمانجا نھا یا ھێزێن ئیراقی، رزگارکرنا وەلاتیێن ئالیێ راستێ یە ژ دەستێ تیرۆرستان.
پەیڤدارێ فەرماندارییا ئۆپەراسیۆنێن ھەڤپشک دا زانین ژی، کو کێمتر ژ ئێک سەدێ یا ئالیێ راستێ یێ مووسلێ نھا ل ژێر کۆنترۆلا داعشێ دایە، کو ئەو دەڤەرە ژی ل نێزیک ترین دەم دێ ھێن رزگارکرن.
ل گۆری داوی راگەھاندنێن سەربازی یێن سوپایێ ئیراقێ، تنێ پێنجسەد مترێن دوجار ل مووسلێ ماینە د دەست داعشێ دا، ژمارەیا چەکدارێن وێ ژی گەلەک کێم بووینە و کو د گەھنە دوسەد چەکداران.