ل سنورێ ئامێدیێ شكهفتهك ههیه تنێ ل چلێ هاڤینێ جهمهدی دروست دكهت
ئێن ئارتى:نیهاد ئۆرهمارى / ئامێدی
ل سنورێ قهزا ئامێدیێ تایبهت سنورێ گوندێ گیزێ ل دهڤهرا بهرێ گارهی شكهفتهك ههیه ب ناڤێ ( شكهفتا گون جهمهدی) دناڤا خهلكێ دهڤهرێ ب وی ناڤی بهرنایاسه.
ئێك ژهاولاتیێن گوندێ گیزێ بو دیجیتاڵ میدیا ئێن ئاڕ تی دایه دیاركرن، بهریا چهند سالا دوهرزێ هاڤینێ دا تایبهت ل چلهیا هاڤینێ بهشهك ژخهلكێ گوندی دچونه وێ شكهفتێ ژبو ئینانا جهمهدی لێ دنهادا تایبهت پشتی بوردومانێن فروكێن توركیا بو سنورێ قهزا ئامێدیێ چ كهسهك ناچیته وێ شكهفتێ چونكێ دكهڤیته كوپیتكێن زنجیرا چیایێ گارهی وئهڤهژی دبهردهوامیا بوردومانێن سوپایێ توركیا چونا وێ شكهفتێ مهترسیه.
ئێن ئاڕ تی ئێكهم كهنالبوو كو چویه وێ شكهفتێ و ژنێزیك وێنهكریه، ددهریێ وێ شكهفتێ دا ول وهرزێ هاڤینێ گیا تازه دگههیت ودهما دچیته داناڤا ئهوێ شهكەفتێ دا ههلما بایێ سار لناڤ چاڤێن مروڤی ددهت، ژههر لایهكی ڤه جهمهد ب كهڤرێن وێ ڤهیه، ههر كهسهكێ بچته ژور دێ ههست كهت كو دبهفر گرهكێ دایه.
ئهڤ شكهفته تنێ دچللهیا هاڤینێ دا جهمهدێ چێدكهت ئانكو ههر دهما چلله خلاس تنێ دلوپێن ئاڤێ ژێ دكهڤن، وهكو هند هاولاتیێن گوندێ گێزێ داینه دیاركرن، دسالهكێ دا هند پسپور هاتبونه ڤێ شكهفتێ ژبوی ڤهكولینێ وان وهسا دا دیاركرن، كو ئهو ههلما ژشكهفتێ دهردكهڤیت وهكو ماددێن غازی ژبنێ دهریایهكێ تێت.
پ.چ
تُتاح هذه الصورة أيضا في: کوردی