سهعدی پیره: ئیران ل دژی رێفراندومێ نینه
WAAR-دهۆك:
ئهندامهكێ مهكتهبا سیاسی یا ئێكهتیێ راگههاند؛ ئیران ل دژی رێفراندومێ نینه، بهلكو ئهو دگهل دهمێ وێ پرسێ نینن.
شاندهكا ئێكهتییا نشتیمانی ئهڤرۆ دگهل حزبا سوسیالیست دیمۆكراتا كوردستانێ كۆمبوو و پشتی كۆمبوونێ، سهعدی ئهحمهد پیره ئهندامێ مهكتهبا سیاسی یا ئێكهتیێ د پرێس كۆنفرانسهكی دا گۆت: چو ئالیێن سیاسی یێن ههرێمێ ل دژی رێفراندومێ نینن، لێ نها هند كێشهیێن سیاسی ههنه و چاڤهرێیه د 15 رۆژێن بهێت دا، پارتی و گۆڕان رێككهفتنهكێ بكهن و ئێدی پهڕلهمان ژی كاراببیت و چو كێشه ل ههمبهر ریفراندومێ نهمینن.
گۆت ژی: سهرهدانا ئالیێن سیاسی بۆ هندێ بوویه، ئێكهتی ههلویستێ ئیرانێ ب روونی بگههینیت، ژبهركو د سهرهدانا وان یا تههرانێ دا دیاربوو كو ئیران دژی ریفراندومێ نینه، بهلكو دگهل وهختێ برێڤهچوونا وێ پرسێ نینه، لهو ئهو دێ بزاڤهكا دی ژی كهن، داكو ئیران باشتر د بابهتی بگههیت و ههلویستێ وێ یێ داویێ بهێته زانین.
ب گۆتنا سهعدی پیرهیی، شاندا ئیكهتیێ ل ئیرانێ ب ئاشكرایی گۆتییه، ریفراندوم پرسهكا نهتهوهییه و بریارا پترییا ئالیێن سیاسی یێن ههرێمی یه و ئێكهتی ژی ژ پرسێن نهتهوهیی نا دهركهڤیت و ئهو دگهلن رێفراندوم د دهمێ خوه دا بهێته كرن.
تُتاح هذه الصورة أيضا في: کوردی