بارزانی: چ هیڤی نەماینە ھەڤپشکێن راستەقینە یێن بەغدایێ بین
WAAR-دهۆک:
سەرۆکێ ھەرێما کوردستانێ راگەھاند؛ چ ھیڤی نەماینە داكو ھەڤپشکێن راستەقینە یێن بەغدایێ بین، لەو گەلێ کوردستانێ بریار دایە ب رێیا رێفراندۆمێ بریارا چارەنڤیسێ خوە بدەت.
مەسعوود بارزانی ئەڤرۆ پێشوازی ل میگێل جۆنیۆر بالیۆزێ بەرازیلێ ل ئیراقێ کر و د ھەڤدیتنەکێ دا، جۆنیۆری حێبەتییا خوە ب پێکڤەژیانا ئاشتیانە یا پێکھاتەیێن جودا یێن ھەرێما کوردستانێ نیشاند دا، ھەروەسا دوپاتی ل بەرفرەھکرنا پەیوەندیێن خوە د گەل ھەرێما کوردستانێ کر.
ژ ئالیێ خوەڤە بارزانی ئاماژەکرە فەرھەنگا پێکڤەژیانا گەلێ کوردستانێ و بەحس ل بزاڤێن گەلێ کوردستانێ بۆ دروستکرنا ئیراقەکا دیمۆکرات و پێشکەفتی کر و گۆت: پشتی چو ھیڤی نەماینە کو ھەڤپشکێن راستەقینە بین، کو ب ئەگەرا زالبوونا فەرھەنگا خوەسەپاندنێ و ئینکارێ، گەلێ کوردستانێ بریار دا ب رێیا رێفراندۆمێ چارەنڤیسێ خوە دیاربکەت.
بارزانی گۆت ژی؛ د گەل بەغدایێ دا ل سەر ھەموو پرسان دێ دانوستاندن ھێن کرن و دوپاتکر، وەک دو ھەڤسۆیێن باش ب رێیا دیالۆگێ ھەموو پرسان دێ چارەسەر کەین.
تُتاح هذه الصورة أيضا في: کوردی