حکومەتا ھەرێمێ: رێفڕاندۆم نابیتە ئەگەرێ کێمبوونا خوارنێ
WAAR-دهۆك:
وەزارەتا کشتوکال و ژێدەرێن ئاڤێ وەلاتیێن ھەرێمێ پشتڕاستکرن کو رێفڕاندۆم نابیتە ئەگەرێ کێمبوونا ئاھێن خوارنێ.
عەبدولستار مەجید، وەزیرێ کشتوکال و ژێدەرێن ئاڤێ ئاشکرا کر؛ وەزارەتا کشتوکال نەخشەرێیەک بۆ قووناغا پشتی رێفڕاندۆمێ دانایە و ھەر قەیرانەکا سیاسی ل وی دەمی رووبدەت، پلانا وان ناھێلیت ببیتە ئەگەرێ کێماتییا خوارن و ئاڤێ.
ئاشکرا ژی کر؛ ژ روویێ ئابۆری ڤە ھەرێم پشتی رێفڕاندۆمێ ل ھەمبەر ئێک ژ دوو بابەتانە، یان دۆرپێچا ئابۆری ل سەر بھێتە دانان و یان ژی چو گوھۆرین ل رەوشا نھا نەبن و ھەر ئەگەرەک ژ وان رووبدەت، وەزارەتا کشتوکال و ژێدەرێن ئاڤێ پلانێن رووبڕووبوونێ ھەنە و چو گەفێن کێمبوونا ئاھێن خوارنێ نابن.
تُتاح هذه الصورة أيضا في: کوردی