نەرویج.. کچهكا کورد ب دەستێ دەستگرێ خۆ هاته کوشتن
باسنيوز:
لە یەکێک لە کۆمۆنەکانی نزیک شاری ئۆسڵۆ پایتەختی نەرویج، کچە کوردێک لەلایان دەزگیرانەکەیەوە بە چەقۆ کوژراوە و پاش ماوەیەکی کورت بکوژەکەی لەلایان پۆلیسەوە دەستبەسەر کرا.
بەپێی ئەو هەواڵ و زانیارییانەی کەلە تۆڕە کۆمەلایەتییەکان بڵاو کراونەتەوە، سەرلەبەیانیی دوێنێ سێشەممە 2017/8/8 لە کۆمۆنی “ئایدسڤۆڵ”ی دەوروبەری شاری ئۆسڵۆ، پۆلیسی نەرویج لە کاتی پشکنین بۆ ڕووداوێکی هاتوچۆ، تەرمی بێ گیانی کچێکی کورد بە ناوی رۆئیا هاشمی، خەڵکی شاری سنە لەناو ئۆتۆمبێلکدا دەدۆزێتەوە و دەمودەست شۆفێری ئۆتۆمبێلەکە دەستبەسەر دەکات.
بەپێی راپۆرتی پۆلیس کە لە رۆژنامەکانی نەرویجدا بڵاو کراوەتەوە، لە بەدواداچوونێکی کورتدا، دەردەکەوێ کە بکوژی “رۆئیا”، شۆفێری ئۆتۆمبێلەکە و دەزگیرانی خودی “رۆئیا” بووە و بکوژ دانی بەوەدا ناوە کە لەناو ئۆتۆمبێلەکەدا لەگەڵ “رۆئیا” دەمەقاڵییان لێ پەیدا بووە و بە چەقۆ هێرشی کردووەتە سەر و کوشتوویەتی.
رۆئیا هاشم، ئەندامی حیزبی دیموکراتی کوردستانی ئێران و لەدایکبووی ساڵی 1993 و خەڵکی سنەیە و ساڵی 2015 وەک پەنابەر ڕووی لە نەرویج کردووە و داوای مافی پەنابەرێتی کردووە.
بکوژی ئەو کچە کوردە پیاوێکی 38 ساڵانەیە بەناوی “ئارێز” کە بەپێی راپۆرتی پۆلیس، ئەویش رەگەزنامەی ئێرانی هەیە و خەڵکی ڕۆژهەڵاتی کوردستانە ماوەی 16 ساڵە لە نەرویج دەژی.
تُتاح هذه الصورة أيضا في: کوردی