ریفراندۆم ….چارەسەریە بۆدەڤەرێن ڤەقەتیایی ژ كوردستانێ
ئلیاس نەعمۆ
ژبۆ زڤراندنا دەڤەرێن شنگال وشێخان وباشیك ودەڤەرا خەتارێ وگوند وكۆمەلگەهێن دەوروبەرێن وان داكو ب تەمامی بزڤرنە سەر باوەشا هەرێما كوردستانێ دیسان چارەسەریا هەرە مەزنە ژبۆ ئاریشێن مێژووی دگەل حكومەتێن عیراقێ ب درێژاهیا مێژویا عیراقێ دگەل گەلێ كورد،ئەوژی گرێدانا پارێزگەها كەركوكێ ب هەرێما كوردستانێ ڤە یە،سەركەفتنا ریفراندۆمێ و راگەهاندنا دەولەتا كوردی ل هەرێما كوردستانێ ل سەر دەستێ جەنابێ سەرۆك مەسعود بارزانی ، سەركەفتنا گەلێ كورد و پێشمەرگێن قارەمانە و وەفاداریەكا هەرە مەزنە بۆ خوونا شەهیدان بۆ رۆندكێن دایك و خێزانێن وان ، سەركەفتنا ریفراندۆمێ و راگەهاندنا دەولەتا كوردی سەركەفتنا مامۆستا و قوتابیانو جۆتیار وپالان و گەنج و لاوانە.
ئیرۆ رۆژ دڤی وەختێ سەخت ودژواردا دڤێت خەلكێ هەرێما كوردستانێ خەلكێ دەڤەرێن ماددا 140 پێكڤەب ئێك دل وئێك هەست ودەست دگەل سەركەفتنا ریفراندۆمێ بن، تایبەت ئەم وەكو كوردێن ئاكنجیێن دەڤەرێن ڤەقەتیایی ژهەرێما كوردستانێ ئەڤە بۆ مە چارەسەریا هەرە مەزنە داكو ب تەمامی بزڤرینە سەر باوەشا هەرێماكوردستانێ،داكو داخوازوئۆمێدێن مە بجهبێن داكو پاشەرۆژا زارۆكێن مە بێ منەت بت ژ دەستێن دوژمنان ونەحزونەیارا یا ژ هەموویێ مەزنتر ئەوە داكو ئێدی فەرمان لسەر مللەتێ كورد ب گشتی وكوردێن ئێزدی ب تایبەتی نەمینن و داكو سنوور بێنەدانان دگەل ئەرەبۆشكێن خاین ئەوێن لئاڤ ونان وخۆیا مە خایین بووین ئەوێن پێكڤەژیان تێكداین، ئێدی بەسە بلا سنوور بێنەدانان وتەعەدا بێتەلادان…سەركەفتنا ریفراندۆمێ سەركەفتنا هەرە مەزنە.
دیسان ریفراندۆم مافێ هەر گەلەكی یەوخەلكێ هەرێما كوردستانێ وەكی خەلكێ ماف هەیە ریفراندۆمێ بكت وماف هەیە ببتە دەولەت، یا دی ئەوە ئیرۆ هەرێما كوردستانێ خودان پەرلەمان وحكومەتە خودان پێشمەرگەهە ئەوێ دژی تیرۆرا داعش سەكنی وشكاندی ودونیا هەموو ڤێ چەندێ دزانتن،لەوما ئیرۆ رۆژ كوردستانێ ماف هەیە ببتە دەولەت وەكو هەموو دەولەتێن جیهانێ خاك وسەمیان خەبات وبەرخودان شەهید،عەگید،گەل،وەلات،لەومادڤێتن هەموو خەلكێ مە هاریكارێ ڤێ سەركەفتنا دیرۆكی بت.
تُتاح هذه الصورة أيضا في: کوردی