بۆ چارەنڤیسەكێ گەش دڤێت بێژین بەلێ بۆ ریفراندۆمێ
مەهدی حەسەن
ژیان وژیارا مرۆڤێ ئێزدی وئێزدیاتیێ دقۆناغەكا سەخت ودژواردا یادەرباس دبت وكەفتیە د مەترسیێ دا،ئەگەر سەرەدەریەكا دروست نەكەین دگەل كاودانێن دئێنە پێش،نەخاسمە پشتی هاتنا داعش وئەڤ كۆمكوژی وفەرمانا بسەرێ مە ئێزدیان هاتی وپتریا ئێزدیان ل كەمپ وكاڤلان دا دژین ،بەلێ زەرەر و زیان گەهشتیە ئێزدیان چارەنڤیسەكێ رەش وتاری ل بەندا مەیە،ئەگەرئەم نەئێنە هشیاركرن ب تایبەت لسەر پرسا ریفراندۆمێ وبكەڤینە دبن فشارا هندەك كەس ولایەنادا ئەڤێن دلرەشی دگەل كوردستانێ هەین،دێ ئێزدی وئێزدیاتی بەرەف ئاقارەكی وەنداڤە بچت وهێدی ئەڤ ئۆل ومللەت دێ كەفتە دەستێ نەیارێن ئێزدیاتیێ دێ ئێنە ژناڤبرن.
بەلاڤبوونا هندەك بیروباوەرێن جودا ودژایەتیكرنا كوردستانێ وپێشمەرگەهی كارەك نەرەوایە وشاشە،دڤیا بەرژەوەندیا مللەتێ خۆ بپارێزن،ئەگەر سوبەی جارەك دی مە خۆ ژكوردستانێ ڤەقەتاند وئەم ڤەگەریانە بەر رەحما ئەرەبێن شوفینی ونەڤیێن داعش وكەڤنە بەعسیا،ژبەركو 90%ژئێزدیان سەر ب پارێزگەها مووسل ڤە نە دێ كەڤینە بن دەسهەلاتداریا وان،دێ پۆشمان بین وئەرەب رەحمێ ئێدی ب مە نابەن وچاڤێن مە ژی ب ئەرەبا ئێدی رانابن پشتی وخیانەتا بناڤێ داعش وغەدرا لمەكری،دێ دەستێ مە كەفتە بن بەری بكێشین دێ سەلخت وبمینت دێ ئێشت،ژبەركو حوكمێ ل مووسل دئێتە كرن دێ نەڤیێن داعشابن وعێراق ژی شیعە یێ حوكمی دكن ویا كۆنترۆلكری،هەموو بریار ودیتنا وان ژ(قم، تەهران) ئەزنزا دێ چ بۆئێزدیان ئێتە كرن ژلایێ مەزهەبێ شیعی ودەولەتا ئیسلامی،دیرۆك ژی دیدەڤانە كا ئەرەبا چ بسەرێ مە ئینایە وچ دگەل مە كریە مەخێر ژعیراقێ وئەرەبا نەدیتی یە نە ل وەختێ مەلكی ونەیێ مالكی هەردەم ب چاڤەكی كێم بەرێ
خۆ داینە ئێزدیاتیێ وئەم دیتینە دكوڤی وبەند،نۆرمالە هندەك خەلكێ بێ رەوشت خۆدابت ئەرەبا وببنە زەلامێن دەسهەلاتدارێن حكومەتێ بەری نهۆ ونهۆ ژی دگەل حەشدا شیعی بۆ تەپەسەركرنا مللەتێ خۆ وئاڤاكرنا قەسرەكێ یان ترومبێلەكێ خۆ ب سەرفەراز دیتیە ،بۆزانین ئەڤ كەسیێن خۆ دایە دوژمنا گەلەك دریسواوشەرمەزارن دچاڤێن خەلكێ دا وشكەستی بوون وئەو ب سەرشۆریا خۆ دحەسیان بۆ نموونە ل وەختێ رژێما گۆربگۆر ئەرد وملكێن مە د دەستێن ئەرەبادا بوون ئەم داینە كوشتن بۆ پاراستنا عروبەتێ وب هەزاران شەهید ئێزدیان دان ل شەرێ قادسیە دگەل هندێ ئەم لڤان كۆمەلگەهێن ب زۆری خرڤەكرین و هەر كۆمەلگەهەكێ ئەرەبەك كرنە بەرپرس وخاس وچاكێن مە دەستێ وان دابوون،ئانكو بكورت وكرمانجی مەخێر ژئەرەبا نەدیتیە دڤیا بێژین بەلێ بۆ ریفراندۆمێ بەلێ بۆسەربەخۆیێ بەلێ بۆ كوردستانێ وڤەگەرن سەر ئەردێ باب وكالا،كوردستانا هەموو ئاین و نەتەوا،برایەتی وهەڤالینی یا ئەرەبا دیاربوو ل شنگالێ چاوا دەستدرێژی كرنە سەرشەرەف ونامووسا مە وكچ وژنێن مە ل بازار وقەیسیریا فرۆتن وكەربوكینا خۆهەر زوودیاركرن،لێ بەروڤاژی گەلێ كوردستانێ ب هەموو پێكهاتێن خۆڤە دهاوارا مەهاتن وخۆ لمەكرنە خودان ودەرگەهێن مزگەفتا بۆ مە ڤەكرن وئەرزاق وجلكێن پێتڤی بۆ خەلكێ ئاوارە ئینان وكچ وكورێن خۆ شەهیدكرن بۆ رزگاركرنا شنگالێ وپاراستنا شەرەف وكەرامەتا گەلێ كوردستانێ.
گازیا مە ئەوە بەروڤاژی ئەرەبێن سووننە وتێشكێن داعشا پشتراست بن گەلێ كوردستانێ دێ خۆ ل ئێزدیاتیێ كەتەخودان وئەڤ مەرگەساتا بسەرێ ئێزدیان هاتی دێ قەرەبووكت ودێ ب پێنووسێن زێری ل دیرۆكا بزاڤا ئازادیخوازا گەلێ كوردستانێ ئێتە تۆماركرن،دوژمنێن مە فەرمانا ئێزدیان راكر پێخەمەت كوردایەتیا رەسەن یائێزدیان بوو،دڤیا بزانین كوردستان جیێ پەرستگەها لالش وخاس وگۆروگۆرستانێن مەیە وارێ مێرخاس وعەگیدوجانگۆریێن ئێزدیانە ل كوردستانێ،لەوا ژ مە دئێتە خواستن ب ژن وزەلام كچ وكوران لرۆژا(25/9/2017) بەرەف سندۆقێن دەنگدانێ ڤە بچن وبێژن بەلێ بۆكوردستانا من بلا ببتە دەولەت.
تُتاح هذه الصورة أيضا في: کوردی