پهرلهمانێ ئیراقێ 13 بریار ل دژی ههرێمێ دهركرن
WAAR-دهۆك:
پەرلەمانێ ئیراقێ ئهڤرۆ ب بهرههڤبوونا سەرۆک وەزیرێن ئیراقێ و وەزیرێن بەرگریێ و ناڤخۆیی و پهترۆلێ و شیرهتكارێ جڤاتا ئاساییشا ئیراقێ كۆم بوو و 13 بریار ل دۆر رێفراندۆما كوردستانێ دهركرن و ژ وان بریاران:
گرتنا دهروازهیێن ههرێمێ دگهل وهلاتێن جیران و ههر كهلوپهلهكێ ژ وان دهروازهیان دهرباز ببیت ب قاچاخ دێ هێته هژمارتن و دێ وهلاتێن جیران ژی هایدار كهن كو د ڤى واری دا هاریكاریا ئیراقێ بكهن، ههروهسا ڤهگهراندنا زهڤیێن پهترۆلێ ل دهڤهرێن ههڤڕكی ل سهر و ههمی بكهڤنه بن دهستههلاتا وهزارهتا پهترۆلا ئیراقێ.
د وێ راگههاندنێ دا هاتیه ههمی بریارێن دهسههلاتێن بجهئینهر و تهشریعی ل سهر ههرێما كوردستانێ بهێنه بجهئینان ب تایبهتى بریارا لادانا پارێزگارێ كهركووكێ.
پێدڤیه حكومهت ههمی بالیۆز و نوونهرێن وان وهلاتان داخواز بكهت یێن ئۆفیس و نوونهراتى ل ههرێمێ ههنه و داخواز ژ وان بهێتهكرن كو ئۆفیس و نوونهرایهتیێن خوه بگرن و ل پارێزگههێن ژ دهرڤهى ههرێمێ ڤهكهن.
ههروهسا داخواز ژ سهرۆك كۆماری بهێته كرن ل گۆری مادێ (67) یێ دهستووری كارێ خوه بكهت چونكی ئهو هێمایێ ئێكپارچهیا ئاخا ئیراقێ یه و ل سهر حكومهتێ پێدڤیه دانوستاندنان دگهل ههرێمێ نهكهت ههتا ئهنجامێن رێفراندۆمێ نهههلوهشینن.
فهرمانبهرێن ههرێما كوردستانێ یێن پشكداری د رێفراندۆمێ دا كرین ههمى بمیننه سهر كار و پۆستێن خوه.
تُتاح هذه الصورة أيضا في: کوردی