سهرۆككۆمارییا ئیراقێ داخوازا دانوستاندنێن بلهز د ناڤبهرا بهغدا و ههولێرێ دا كر
WAAR-دهۆك:
سهرۆككۆمارییا ئیراقێ دگهل دو جێگرێن خوه كۆمبوو و چهندین بریار د كۆمبوونێ دا هاتینه دان و دووپاتی ل دانوستاندنێن بلهز د ناڤبهرا بهغدا و ههولێرێ دا كریه.
د بهیاننامهیهكێ دا كو نڤیسینگهها فوئاد مهعسووم سهرۆككۆمارییا ئیراقێ بهلاڤكر و تێدا دیاركر، سهرۆكۆمارێ ئیراقێ دگهل نووری مالكی و ئهیاد عهلاوی، ههردو جێگرێن خوه ل كوچكا سهلام ل بهغدا كۆمبوویه و داویی پێشهاتێن سیاسی و ئهمنی ل وهلاتی زێدهباری بابهتێ ههلبژارتنێن داهاتی و بودجه و رهوشا كهركووك و دوزخۆرماتۆ بهحسكرینه.
دایه زانین ژی: ئوسامه نجێفێ جێگرێ سیێ یێ سهرۆكۆماری بهرههڤی كۆمبوونێ نهببوو یاكو تێدا دووپاتی ل خورتكرنا بزاڤان كریه بۆ چارهكرنا ههمی كێشهیێن ههلاویستی د ناڤبهرا حكومهتا فدرال و ههرێمێ دا، زێدهباریی ئاساییكرنا پهیوهندییان د ناڤبهرا ههردو حكومهتان دا.
بهیاننامهیێ ئاماژه ژی كریه، سهرۆكۆمارییا ئیراقێ داخوازا دانوستاندنێن بلهز د ناڤبهرا ههردو حكومهتێن بهغدا و ههولێرێ دا كریه و ههروهسا داخوازا كۆمبوونا ههرسێ سهرۆكاتییان ، نوونهرێن پارتێن سیاسی و دهستههلاتا دادوهری د زووترین دهم كرییه، داكو دانوستاندن ل سهر یاسایا ههلبژارتنان بهێته كرن.
تُتاح هذه الصورة أيضا في: کوردی