چاڤدێرێن سیاسى: حکومەتا عیراقێ بەرپرسیارە ژنەدانا مووچەیێن خەلکێ هەرێمێ
دهۆک-KDP.info-
چاڤدێرێن سیاسى دبێژن، خوپیشاندان مافەکێ رەوایێ خەلکییە، بەلێ نەبۆ بجهئینانا مەرەمێن سیاسى و تێکدانا رەوشا هەرێما کوردستانێ، دیسان هەر مافەک ژجهێ بەرپرسیار بهێتە داخوازکرن، کۆ حکومەتا عیراقێ بەرپرسیارە ژنەدانا بودجە و مووچەیێن خەلکێ هەرێمێ.
18ى دیسمبەرا ئەڤ سالە، رێژەکا زۆرا خەلکێ سلێمانیێ خوپیشاندان دژى حکومەتا هەرێما کوردستانێ ئەنجامدان،(بەدرخان زاویتەیى)، چاڤدێرێ سیاسى و یاساناس بۆ مالپەرێ فەرمیێ پارتى دیموکراتى کوردستان گۆت:” هەر ژشکەستنا پیلانا روودانێن 16ى ئێکتوبەرێ و نەداگیرکرنا هەولێرێ، پشتى پیلانا تەڤگەرا گوران و کومەل و هندەک سەرکردێن ئێکەتیێ دناڤ پەرلەمانیدا سەرنەگرتى، بابەتێ دابەشکرنا دەستهەلاتێن سەرۆکێ هەرێمێ ئازراند، کۆ ماوەیێ یاسایێ سەرۆکایەتیێ گەلەک کێم مابوو بدووماهیک بهێت و هەلبژارتن نەدهاتنە ئەنجامدان و لگۆرەیى یاسایێ بۆ ماوەیێ 15 رۆژان هەمى بریار دکەفنە ددەستێ سەرۆکێ پەرلەمانیدا و بریار بوو دوان روژاندا حکومەتێ و پەرلەمانى ب هەلوەشینن و ب بریارا دادگەها فیدرالا عیراقێ حکومەتەکا ئینقاز بهێتە راگەهاندن و دەرئەنجامێن ریفراندۆمێ بهێنە هەلوەشاندن”.
تومامەکەرا پیلانا وان خوپیشاندەنێن سلێمانیێ بووینە وەک (بەدرخان زاویتەیى) بەحسکرى، گەلەک پەرلەمانتار و سیاسیێن تەڤگەرا گوران داخواز ژحکومەتا ئێتحادى کریە، کۆ حەشدا شەعبى بۆ پاراستنا خەلکێ سلێمانیێ رەوانە بکەت و بڤى رەنگى سلیمانى دابیتە پارێزگەهەکا عیراقى لوى دەمى چ هەبوون بو هەرێما کوردستانێ نەدما.
یاساناسى دیارکر:” خوپیشاندان مافەکێ رەوایە و شەرعییە، بەلێ ئەو نەخوپیشاندانە یێ دەمانجەیان تەقێ ل خەلکى بکەت و بارەگایێن حکومى و حزبى ب سوژیت، دیارە دەستەکێ دەرەکى و یێ ناڤخویى دگەلدایە ژبۆ تێکدانا ناڤخویا هەرێما کوردستانێ، دیسان لاهور جەنگى و بالێ دگەلدا بتنێ مەرەما وان تێکدانا رەوشا هەرێما کوردستانێ بوویە و کنترۆلکرن لسەر ئێکەتیێ بووبە برێکا ئاژەوەیێن دروستکرین ژبۆ هندێ هەلبژارتن نەئێنەکرن ژ ترسا لاوازبوونا سەنگا وان یاسیاسى”.
لسالا 2014ێ، پشتى بودجە و مووچەیێن هەرێما کوردستانێ ژلایێ حکومەتا عیراقێ ڤە هاتینە برین، خەلک چاڤەریێ هندێ بوو خوپیشاندان دژى حکومەتا عیراقێ بهێنە ئەنجامدان.
(زاویتەیى) ئاماژەدا:” خەلکێ سلیمانیێ لسالا 2015ێ، پێشوازى ل نورى ئەلمالکى کر و چ خوپیشاندان دژ ئەنجامنەدان، هەر چەندە ئەگەرێ برینا مووچە و بودجێ بوویە، پشتى 16ى ئێکتوبەرێ، خەلک چاڤەرێ بوو ئەڤێن خیانەتکرى ژناڤخو بکەنە دەر،بەلێ هاتن خوپیشاندانا دژى حکومەتێ هەرێما کوردستانى ئەنجامدان ،کۆ دونیایێ هەمیێ ئابلوقەیێن عیراقێ لسەر هەرێمێ شکاندینە و پێشوازیا سەرۆکێ حکومەتێ کریە و بوویە نوونەرێ راستەقینەیێ کوردستانێ، لڤێرە دیار دبیت ئەڤ خوپیشاندانە ژلایێ هندەک لایەنێن دەرەکى و دەستێن نافخو بوویە و خەلکى ب هیجەتا نەدانا مووچەیان هاتینە ئاراستەکرن ژبۆ بجهئینانا مەرەمێن خۆیێن سیاسى، کۆ ئارمانجا ئیرانێ ژناڤبرنا هەرێمێ یە و مەرەما لایەنێن سیاسیێن نافخو لاوازکرنا پێگەهێ پارتییە و وەلاتێ بریتاینا رۆلەکێ مەزن دئالوزکرنا رەوشا هەرێمێدا هەبوویە”.
(محەمەد عامر دێرشەوى) چاڤدێرێ سیاسى دیارکر:” ئاریشەیێن گەلەک مەزن لسەر هەرێما کوردستانێدا هاتینە و پرانیا خەلکێ کوردستانێ دزانیت ئەڤ ئاریشەیێن نە ب کنترۆلا هەرێمێ بوویە، ژبەر هندێ خوراگر کریە و خۆگۆنجاندیە دگەل ڤان کاودانان، بەلێ هندەک پارتێن سیاسى نافخو ب پێشتەڤانیا دۆژمنان دڤێت ئارامیا هەرێمى تێکبدەن، رابوون خوپیشاندان ل سلیمانیێ دروستکرن”.
جوداهیا عەبادى و مالکى نینە و خودان ئێک هەلویستن وەک (محەمەد عامر) خویاکرى:” برینا بودجە و مووچەیى لسەر هەرێمێ هاتیە فەرزکرن ژلایێ حکومەتا عیراقێ ڤە، دڤێت خەلک داخوازا مافێ خۆ ژ حکومەتا عیراقێ بکەت”.
تُتاح هذه الصورة أيضا في: کوردی