ئەنجامدانا ريفراندۆمێ ژبۆ دەولەتا كوردى كارەك پيرۆز بوو و لێڤەنابين
مەھدى حەسەن موراد
كوردايەتيا مە و پارتايەتى ژ بو موچەكى و مولكەكى و ژيان و ژيارەكا خۆش گوزارى نەبيە ،بەلكى ژبۆ رزگاركرنا كوردستانێ و ئازاديا مرۆڤێ كوردستانى بييە ێەڤ ڕێكا سەخت و دژوار مە ھەلبژارتى ،گەلێ كورد گەلەك ژير و ئازايە دڵنيابن نا كەڤينە بن فشارا عەبادى ب ئابلوقەكى يان برينا موچە و بودجەيێ ھەريمێ يان گەفەكا لەشكەرى ،خەبات و خزمەت و قوربانى دان و خۆ شەھيدكرن وبەرخودانا گەلێ كوردستانى ژ بۆ ئارمانجێن نەتەوەيى و نشتمانى بيە نە بۆ قەسرو وقولەكێ و خۆشى لەڤزەتەكا ژيانێ بيە ، ئەم گەلەك جارا دەربەدەربينە ومال و ملكێ مە تالان بيە ومال وێرانبينە ورەزيلێ و ھەژارى مە ديتيە بەلێ ئەم نەمرينە ،ئەم باش دزانين ئەڤ چەندە دھێتە سەرێ مە ژ بێ دەولەتبوونى بيە ، ھەگەر مە دەولەتەك ھەبا ئەڤا ب سەرێ مە ھاتى نەدھات دڤيا ب زانين ،ھەگەر تە مال و ملك دڤێت و ژيانا خۆش وتەناھى و ئارامى دڤيا تو بەرى ھەر تشتەكى وەلاتێ خۆ ئازاد ب كەى دا سەرفراز بژى،خەلكێ شەرەفمەندى كوردستانێ ما شنگاليا و كەركوكيا و توزخرماتوو وباشيك و بەحزانيا وھتد ، ژى مال و ملك نەبو بەس دناڤ بەرا شەڤ و رۆژەكێ دا ھاتن تالان كرن وكوشتن و مال وێرانكرن ،لەوا ئەم دبێژين لێڤەنابين ومە دەولەت دڤێت و دێ داكۆكيێ ل ئەنجامێن ريفراندومێ كەين ژبەر كو ريفراندوم بەڵگەكا فەرميا وەك سەنەد و قاقانى كەتين دەستێ سەرۆك بارزانى ومللەتێ كورد بو دروستكرنا دەولەتا كوردستانێ نە ئەڤرۆ سوباھى ئەلندەكا نێزيك ل ھيڤيا مە يە و ئەم پشت راستين دێ گەھين مرازا خۆ ،ئەڤ يا ھندەك لايەنێن سياسى ونێكدەر و خوفروشێن داگيركەرا د كەن دژ ى كوردستانێ وخوپيشاندانا د كەن و ملك و ئەملاكێن دەولەتێ د شۆزن و ھەولێن نەمانا كيانێ كوردى دەن و ئاخا كوردستانێ رادەستى دوژمنا دكەن جيبەجيكرنا پيلانێن دوژمنانا و داگيكەرا نە ، بڕس و ھەژارى بلا نەبتە رێگرى ل پێشيا پڕۆسا سياسى ڕاستە گەندەلى و نە دادپەروەرى ھەيە بەلێ ھەبوونا كوردستانەكا ئازاد و كيانەكى كوردى مەزنترە ژ ھەر تشتەكى بۆ مە بلا ئەم مالا خو ب دەستێن خۆ خراب نەكەين و نەدەينا دەستێ دوژمنا ھەر دێ روژەكێ كار رەوا ب رێڤەچت و زاڵ بين ل سەر كێم و كاسێن ھەين بەس ژ دەست دانا ڤان دەست كەفتێن ھەين ل پێناڤێ ھەر تشتەكى ھەبيت زەرەر و زيانەكا مەزنە گەلێ كوردستانێ دلشۆزێن رێبازا پارتی وبارزانى ئەركێ مە د بزاڤا ڕزگاريخوازا گەلێ كوردسانيدا و سەنگەرێ بەرەڤانيكرنێ زۆر گران بييە ، بتر ھەر ساتە وەختەكى پێتڤييە ل ئاستێ قەبارێ مەزناتيا خزمەت و خەبات و قوربانيدانا پارتى دا بين ، خوراگرى و ئێكگرتن و باوەرى ب سەروكاتيا بارزانى و ب دۆزا ڕەوايا گەلێ خو لانەدان ب بەھايێن بەرزێن كوردايەتيێ ئەو بنەمايێن كە پێتڤى بتر خەباتێ ب كەين وھەول بدەين بۆ ژناڤ برنا پيلانێن دوژمن و نەيارێن پارتى و پاراستن و ئاسايش و ئێكگرتن ژ ئەولەوياتێن خزمەت و خەباتا مە بن،ھەر چەندە پيلانەكا مەزن دژى پارتيا مە ھاتيە ئەنجامدان ل سەر ئاستێ دەولى و ناڤ خويى ، بەلێ ھەر رويداو و ھێزەك نەشێت باوەريا مە يا ڕەوايا وبيروباورێن ئارمانجێن پارتيامە لەنك و لاواز ب كەت ، پشت ب خودايێ مەزن و بەرخودانا گەلێ زيندى ھەر دێ سەركەڤين و دەولەتا كوردى دێ راگەھينين پشتى مە ريفراندوم كرى.
تُتاح هذه الصورة أيضا في: کوردی