پێكهاتێن دەشتا نەینەوا دخوازن ئێمناهیا دەڤەرێن وان د دەستێ پێشمەرگەی دا بت
تۆرا لالش یا راگەهاندنێ
كەسایەتیێن پێكهاتێن دەشتا نەینەوا دیار دكن،حەشدا شەعبی ب هەموو جۆرەكی پێشێلكاریا دژی پێكهاتان ئەنجام ددەت و ب چوو شێوەیان دگەل دا نینین حەشد نێزیكی دەڤەرێن مە بت،حكومەتا عێراقێ ژی شیانێن پاراستنا ئێمناهیا پێكهاتان ل دەڤەرێ نینە و دخوازن ئێمناهیا دەڤەرێن وان د دەستێ پێشمەرگەی دا بت و سەر ب هەرێما كوردستانێ ڤە بن.
دڤی واری دا كەسایەتیێ كوردێ ئێزدی ل دەشتا نەینەوا(شەریف سلێمان)دیاركر،ب چوو شێوەیان دگەل دا نینین حەشدا شەعبی نێزیكی دەڤەرێن مە بت و مە دڤێت پێشمەرگە پاراستنا دەڤەرێن مە بكن،چنكو نهۆ وەك دزانین حەشد دووركەفتیە ژ هەموو پیڤەرێن مرۆڤایەتی و پێشلێكاریان بەرامبەر خەلكێ دكت،گۆتژی مە نەڤێت كۆمكوژیەكا دی هەڤ شێوێ شنگال بت ل دەشتا نەینەوا بسەر ئێزدیان دووبارە بت،ب هەموو شێوەیەكی ئێزدیان ل جیهانێ دا داخوازكریە سەر ب كوردستانێ ڤە بن، دریفراندۆمێ دا ژی دیاربوو ئێزدیا چەند ڤیان ڤەگەرنە سەر باوەشا هەرێمێ.
هەروەسا كەسایەتیێ كرستیان خەلكێ قەزا تلكێفێ(فەرەج میخە)دبێژت:مە نەڤێت جارەكا دی ئاوارە بین و ژیانا مە تال بوویە ژبەر گرۆپێن چەكدار،مە دڤێت بژین و ونەڤێت ئاساییشا مە لژێر هەرەشێ دا بت و نهۆ بۆ هەموو دونیایێ راگەهاندیە مە دڤێت لگەل كوردستانێ بژین،چنكو پێشمەرگە زێدەتر دەڤەرێن مە دپارێزت،نهۆ زێدەتر ژ هەر دەڤەرەكێ ئەم ئاوارەبووینە ل دەشتا نەینەوا چووینە باژێرێ دهۆكێ،ئەڤە ژی رامانا هندێ ددەت ئەوێ ب هانا مە دئێت تەنها كوردستانە و ئەوێ دلێ وان ب كرستیانا دسۆژت هەر كوردستانە و سەرۆك بازرانیە.
هەڤدەم نوونەرێ كوردێن شەبەك ل پەرلەمانێ عێراقێ(مەلا سالم شەبەك)خویاكر،گۆمان تێدا نینە ب هەر شێوەیەكی بت دڤێت بسەر هەرێما كوردستانێ بین،جیهان باش دزانت و ب گرنگی دبینت دەشتا نەینەوا سەر ب هەرێما كوردستانێ بت نەك عێراقێ،چنكو دونیا ژی گەهشتیە وێ قەناعەتێ حكومەتا عێراق شیانێن پاراستنا ئێمناهیا پێكهاتێن دەشتا نەینەوا نینە،دزانن ئەوێ تەنها پێكهاتان دپارێزت تەنها كوردستانە،ئاشكەراكرژی ل هەر جیەكی بت و هەر كۆنگرەیەكی چارەنڤیسێ سەر پێكهاتان بت مە راگەهاندیە دڤێت ڤەگەرینە سەر هەرێمێ،لێ نهۆ حەشدا شەعبی ب هەموو جۆرەكی پێشێلكاریا دژی پێكهاتان ئەنجام ددەت و ب تایبەتی كوردێن شەبەك.
تُتاح هذه الصورة أيضا في: کوردی