ل چیایێ شنگال پتر ژ2300 خێزانێن ئێزدی ل بارودۆخەكێ نالەبار دانە
باسنيوز:
سەرۆكێ جڤاتا قەزا شنگال دیاركر كو پتر ژ 2300 خێزانێن ئێزدی ل چیایێ شنگال نە پشتی حەشدا شەعبی شنگال داگیركری رەوشا وان ئاوارێن ئێزدی گەڤتە بارودوخەكێ نالەباردا.
وەیسی نایف، سەرۆكێ جڤاتا قەزا شنگال بۆ (باسنیوز) دیار كر: “نوكە چوو رێكخراوێن خێرخوازی نەشین هاریكاریان بگەهینە ئاوارێن چیایی شنگال و دووڤ پیزانینان ژی كەرەستێن خارنی و ڤەخارنێ و ناڤمالی زۆر بها بووینە ل دەڤەری، چونكو خەلك نەشین قەستا مووسل بكەن نەچار دبن بەرەڤ سوریا بچن بۆ دابینكرنا پێدڤیێن خوە یێن رۆژانا و ئەو ژی بوویە بارگرانیەكا مەزن ل سەر ئاوارێن چیایی شنگال”.
خۆیا ژی كر: “خزمەتێن تەندروستی ژی ئاستی پێدڤیدا نینن و حكومەتا عێراقی ژی هەڤكاریا ئاوارێن چیایی شنگال ناكەت نوكە رەوشا وان گەلەك خرابە حكومەتا عێراقی ژی یا بێدەنگە ل سەر تیكچوونا رەوشا خەلكێ ل شنگال”.
تُتاح هذه الصورة أيضا في: کوردی