بارھەلگرێن ھاریکاریێن مرۆڤی گەھشتنە عەفرینێ ٢٨
WAAR-دهۆك:
بیست و ھەشت بارھەلگرێن ھاریکاریێن مرۆڤی ب سەرپەرشتییا خاچا سوورا نێڤدەولەتی و ھەیڤا سوورا سووری گەھشتن عەفرینێ، لێ ژ ئالیی تورکیا ڤە هاتنە تۆبباران کرن.
ل گۆر ئاژانسا سانا، یا نێزیک ژ حکومەتا سووریی، ئەڤرۆ کاروانەکی ھاریکاریێن مرۆڤی کو پێکھاتبوون ژ بیست و ھەشت بارھەلگران ب سەرپەرشتیا خاچا سوورا نێڤدەولەتی و ھەیڤا سوورا سووری ل دەرییێ زیارە گەھشتنە ئاخا باژارێ عەفرینێ.
ئاژانسێ دایە زانین ژی، ئەو کاروانی هاریکارییان کو بریار بوو بگەهیتە دەست سڤیلان ژ ئالیی سوپایی تورکیا ڤە هاتە توببارانکرن و کەسەک هاتە کوشتن و دوازدەیێن دی ژی بریندار بوون.
دیار ژی کریە، بریارە ئەو کاروانێن ھاریکاریین مرۆڤی ل سەر زیانڤێکەفتیێن بۆمبەباران و تۆببارانین سوپایێ تورکیا ل ناڤچەیێن جوودا ل سنۆرێن وی باژاری بھێنە بەلاڤکرن.
تُتاح هذه الصورة أيضا في: کوردی