ژبۆ رێككهفتنا داویێ شاندێ حكومهتا ئیراقێ ل ههولێرێ یه
WAAR-دهۆك:
شاندەکا بلند یا حکومەتا ئیراقێ ب سهرۆكاتییا پارێزگارێ بهنكا ناڤهندییا ئیراقێ گههشتییە ههولێرێ و ئهڤرۆ دێ بابەتێن مووچەیێ فەرمانبەرێن هەرێمی و گەشتێن نێڤدەولەتی یێن فرۆكخانهیێن هەولێر و سلێمانیێ دگهل بهرپرسێن ههرێمێ گۆتوبێژ كهت.
شێرزاد سولتان بەرپرسێ پرۆتۆکولێن حکومەتا هەرێما کوردستانێ بۆ وار دیار كر؛ شڤێدی شاندهكا حكومهتا ئیراقێ ب سهرۆكاتییا عهلی عهلاق پارێزگارێ بهنكا ناڤهندییا ئیراقێ گههشتییە ههولێرێ و ئهڤرۆ دێ د گهل بهرپرسێن ههرێمێ گۆتووبێژێ ل سهر رێککەفتنا داویێ لدۆر پرسا هنارتنا مووچهیێ فەرمانبەران، ههروهسا ڤهكرنا فرۆكخانهیان و دهیێن سنۆری.
شاندا بهغجا ئهڤرۆ دێ د گەل وەزیرێ دارایی و سامانێن سروشتی یێن حكومهتا هەرێما کۆردستانێ کۆم ببیت و چاڤهڕێ دهێت كرن، رێككهفتنا داویێ لدۆر وان پرسان بهێت كرن.
ئهرشهد شوانی پهیامنێرێ وار ل ههولێرێ دیاركرییه، ههولێر و بهغدا ب رەنگەکێ دەستپێکی و دهمكی ل دۆر سێ خالان تا پشتى ههلبژارتنێن جڤاتا نوونهرێن ئیراقێ رێككهفتینه.
ل گۆرى رێككهفتنێ ههرێم دێ فرۆتنا پهترۆلا خوهرادهستى كۆمپانییا سۆمۆ كهت، لێ داهاتێ وێ دێ بۆ ههرێما كوردستانێ هێت ڤهگهراندن كو د گهل داهاتێ ناڤخوهیێ ههرێمێ، مووچهیێ فهرمانبهران پێ بهێت پارڤهكرن، ژبلی وهزارهتێن پهروهردهیێ و ساخلهمیێ و رێڤهبهریێن رهگهزنامه، دهریێن سنۆرى، فرۆكخانه و بهنداڤان كو بهغدا دێ ب ستۆیێ خوه ڤه گریت.
ههروهسا ههولێر و بهغدا رێككهفتن فرۆكەخانه و دهریێن سنۆرى بكهڤن ل ژێر دهستههلاتا حكومهتا ناڤهندی، ئهو ژى پشتى دانانا چهندین كارمهندێن ئیداری د گهل چاڤدێرییا ئێمناهیێ، بهغدا ژی رازیبوویه دانانا پۆلیسێن فیدرال ل فرۆكەخانه و دهریێن سنۆرى یێن ههرێمێ بۆ دهمهكێ نهدیار پاش بێخیت.
تُتاح هذه الصورة أيضا في: کوردی