خوارنا بەرێ نشتەرگەریێ مەترسیێ ل سەر ژیانا نەخۆشی دروست دکەت
نوش نيوز:
نوشدارەکێ تایبەتمەندێ نشتەرگەریان ل نەخۆشخانا ھاوار ھاتنا دھۆکێ دیارکر کو دەمێ نەخۆش خوارنێ بخۆت و بچيتە نشتەرگەریێ مەترسی ھەیە ئەو خوارن ژ گەدی بزڤريتە د گهوريا وى دا و جارەکا دى بھێتە ھەلكێشان و بچتە د بۆریا ھەوایى دا، چونکو بۆریا ھەوایی و بۆریا خوارنێ ژێک د جۆدانە دێ مەترسى ل سەر نەخۆشی دروست دبیت.
د. عهبدولا ئیحسان، تایبەتمەندێ نشتەرگەریان ل نەخۆشخانا ھاوار ھاتنا پارێزگەھا دھۆکێ بۆ (نۆش نیوز) دیار کر نشتەرگەری يا ھەى پەنجا گشتی بۆ نەخۆشی دھێتە دان و بێھوشکرنا لوکال ژی و گۆت: “ب رهنگهكێ گشتی نابیت نەخۆش خوارنێ بەرى نشتەرگەریێ بخۆت، ھەکەر نشتەرگەرى بێھوشکرنا گشتی بیت و نەخۆشی خوارن خوار بیت مەترسی ل سەر نەخۆشی دروست دبیت، چونکو ئەو خوارن دزڤريتە د گهوريا نەخۆشى دا، دھێتە ھەلكێشان بچیتە میلاکا نەخۆشی دا ئەڤە ئێک ژ مەترسیه ل سەر گیانێ نەخۆشی”.
ئاشکەرا کر ژى کو گەلەک جاران پەنجا لوکال دەمێ دھێتە بکارئینان ئەو دبیتە ئەگەر نشتەگەرى ب زەحمەت بکەڤیت بۆ نوشداران، دێ نوشدار نەچار بن وان روودانێن د ناڤ نشتەگەریێ دا دروست دبن ب گۆھۆڕيت بۆ پەنجا گشتی بدانن د وى دەمى دا ھەکە نەخۆشی چو خوارن نەخار بن بۆ ساخلەمیا و سەرکەفتنا نشتەرگەریێ باشترە.
ئاماژە دا وێ چەندێ ژی کو ھەکە جۆرێ نشتەرگەریێ ژ دەرڤەی بۆریا ھەرزکرنا خوارنێ بیت نەخۆش دشێت زوو دەست ب خوارنێ بکەت، گەلەک جاران رووڤیک پێکڤە دھێنە دروون یان ژی گرێدان یان قورخا دەمێ دپەقیت نەخۆش بۆ ماوی ٧٢ دەمژمێران خوارنی نەخۆت و پاشی دەست ب خوارنا رووھن بکەت، باشترە بۆ نەخۆشی.
د. عهبدولا ئیحسان گۆت: “دەمێ حالەتەکێ تەنگاڤ یێ نشتەرگەریێ دروست دبیت بۆ نموونە رووڤیکا کوورە یان کەسەکێ خوارن خواربیت تووشی حالەتەکێ تەنگاڤ ببیت ئەم نەچار دبين نشتەگەریێ بۆ ئەنجام بدەن لێ ئەم مەترسیی بۆ کەس وکارێن وێ دبیژن ھەموو تشتەک بۆ وان دھێتە شرۆڤەکرن پاشی نوشداری نشتەگەریێ دکەن”.
تُتاح هذه الصورة أيضا في: کوردی