ھاتنە خوارا شەکرێ چ مەترسی بۆ نەخۆشی ھەنە
نوش نيوز:
ل دور ھاتنە خوارا شەکرێ حەردان ئەحمەد ل پشكا شەکرێ ل نەخۆشخانا گۆلان ل ئاکرێ ددەتە دیارکرن کو کێمبوونا رێژەیا شەکرێ د خوینێ دا ژ دو ژانگێن چارەسەرکرنا شەکرێ چ ب حەبکان بیت یان ئەسولینێ، ھاتنە خوارا شەکرێ روو دددەت ژ ئەنجامێ تێکچوونا ھەڤسەنگیێ د ناڤبەرا بڕا خوارنێ و کارتێکرنا وان دەرمانا ئەوێن شەکرێ دخوینێ دا کێم دکەن، وەک ئەنسولینێ یان دەرمانێن شەکرێ ب رێيا دەڤی.
زێدەتر گۆت: “ھەموو حالەتێن ھاتنە خوارا شەکرێ ژ لایێ نەخۆشی ب خوه دھێنە چارەکرن، ئەو ژی ب خوارنا شریناھیێن ب لەز دھێنە مێژتن وەکو شەکرا خوارنێ یان کاربۆھێدرات و شرینی و شیر، نابیت نەخۆش شکولاتا یان ئایسکرێمێ بخۆت، چونکو بڕەکا چەڤری تێدایە و دێ لڤینا گەدێ ھێدی کەت”.
ئاشكهرا ژى كر كو حالەتێ دژوار یێ ھاتنە خوارا شەکرێ د خوینێ دا کو نەخۆش ب خوه نەشێت چارەسەریا خوه بکەت، چارەسەریا وان کوتاندنا نەخۆشیێ یە ب ھورمونا جلوکاجونی د زەڤلەکێ دا یان لبن پیستی ژ لایێ کەسێن خێزانێ ڤە، ب وێ چەندێ نەخۆش ب لەز بۆ نەخۆشخانێ بھێتە ڤەگوھاستن بۆ تەمامکرنا چارەسەریێ.
زێدەتر دبێژیت: “ھەکە نەخۆش یێ ھشیار نەبیت ب لەز داخوازا ھەوار ھاتنێ بکەن و دەڤێ نەخۆش ب ھێز ڤەکەنەڤە و پارچە شەکرەکێ بکەنە د دەڤی دا، چونکو ئەڤ چەندە دێ بيته ئهگهرێ وێ چهندێ كو شلە بچیتە د ناڤ سیھان دا و دێ بیتە ئەگەرێ ھەودانا سیھان، چونکو ل نەخۆشخانێ دێ گلوکوز ب رێيا خوینەری بۆ نەخۆشی ھێتەدان، پێدڤیە سەرەدانا نوشداری بکەت دا ئەگەرێ ھاتنە خوارا شەکرێ بزانیت دا خوه ژێ بدەتە پاش، ھەروەسا پێدڤیە نەخۆشێ شەکرێ رستکەکا نوشداری بکەتە ستویێ خوه دا =دیاربیت کو نەخۆشیا شەکرێ یا ھەيی و خەلکەک بشێت د ھەوارێ بچیت دەمێ بێ ھوش دبیت یان ھەر ئالوزیەکا دی یا شەکرێ”.
ئاماژە دا وێ چەندێ کو دڤێت توشبوويێ شەکرێ شەش ھەیڤا یان سالێ جارەکێ پشکنینێن چاڤا بکەت، چونکو نەخۆشیا شەکرێ کارتێکرنێ ل ھەموو ئەندامێن لاشێ مرۆڤی دکەت، ھەروەسا ھاتنە خوارا شەکرێ ژی یا مەترسی یە، دێ بینی کەسەکێ نەخۆشیا شەکرێ یا ھەيی دێ دەرمانا خۆت یان دێ ئەنسولینێ بۆ دانن دێ بینی ئێکسەر ھندەکا ل پلەکا بلند شەکرا وان دێ ھێتە پلەکا نزم و شەکرا وی دێ ھێتە خوار، ئەڤە یا مەترسی یە، چونکو وەکو لهرزينهكێ بۆ نەخۆشی دروست دبیت، دبیت بۆ جارا ئێکێ چنەبیت، بەلێ دوبارەبوونا وێ دێ کارتێکرنەکا خراب ل مێشکی کەت، ژ بەر ھندێ ھاتنەخوارا شەکرێ خرابترە ژ بلندبوونا وێ.
تُتاح هذه الصورة أيضا في: کوردی