پۆلیسێن دهۆكێ هۆشداریهكێ ددهنه هاوولاتیان
باسنيوز:
پۆلیسێن پارێزگهها دهۆكێ، هۆشداریهكێ ددهنه هاوولاتیان كو ب چو رهنگان نابیت تهقا خۆشیێ ب ههلكهفتنا سهركهفتنێ د ههلبژارتنان دا بهێته كرن و ههر كهسێ تهقا خۆشیێ بكهت ژى دێ هێته دهستهسهركرن.
رائید هێمن سلێمان، پهیڤدارێ رێڤهبهریا پۆلیسێن پارێزگهها دهۆكێ، بۆ (باسنیوز) دیار كر: ”ههلبژارتنێن پهرلهمانێ عیراقێ ب شێوهیهكێ هێمن و ئارام ب دووماهى هاتینه و چو شهر و پهڤچوون ژى پهیدانهبووینه و نها ژى پشتى سهركهفتنێ ژى ب چو رهنگان نابیت تێكدان و تهقا خۆشیێ بهێته كرن و هێزێن مه یێن پۆلیسان 24 دهمژمێران د ئامادهباشیێ دانه بۆ چاڤدێریكرنا هاوولاتیان و پهیدانهبوونا چو ئاریشهیان ژ ئهنجامێ ههلبژارتنان“.
ئاشكرا ژى كر، كو ب چو رهنگان نابیت هاوولاتى جادهیێن سهرهكى بگرن یان ژى تهقا خۆشیێ بكهن و دوور ژ تۆندۆتیژیێ ئاههنگان بگێرن و ههر كهسێ تێكدانێ یان تهقا خۆشیێ بكهت دێ هێته دهستهسهركرن.
تُتاح هذه الصورة أيضا في: کوردی