پۆمپیۆ:ئێدى رێ نادهين مووشەکێن ئيرانێ ل ریاز و جۆلان بکەڤنه خوارێ
رووداو – هەولێر
لە گوتارێکدا بەناونیشانی “دوای رێککەوتنەکە: ستراتیژی نوێ لەبارەی ئێران”، مایک پۆمپیۆ، وەزیری دەرەوەی ئەمریکا ستراتیژی وڵاتەکەی لە سەردەمی ئیدارەی ترەمپ لەبارەی ئێران خستەڕوو.
مایک پۆمپیۆ گوتی “چیدی رێگە بە سەرکردە ئێرانییەکان نادەین سەرچاوەی دارایی قۆرخبکەن چیدیکە رێگەنادەین مووشەکەکانی ئێران لە ریاز و بەرزاییەکانی جۆڵان بکەونە خوارەوە. چیدی رێگە بە خراپبەکارهێنانی دەسەڵات لە ئێران نادەین”.
وەزیری دەرەوەی ئەمریکا گوتیشی “رێککەوتنی ئەتۆمی بەهۆی کەموکوڕییەکانی جیهانی خستە مەترسییەوە. هەر وەک بەمدواییانە لەڕێگەی زانیارییە هەواڵگرییەکانی ئیسرائیلەوە بینیومانە، ئێران ساڵانێکە هەوڵدەدات بەرنامەی ئەتۆمی بەدەستبێنێت. ئێران بە بیروباوەڕێکی خراپەوە لە رێککەوتنەکەدا مابووەوە، تاوەکو ئەمڕۆش ئێران لەو بارەوە درۆدەکات. رێککەوتنەکە کارێکی نەکرد کە ئێران لە گەیشتن بە بەرهەمهێنانی مووشەکی بالیستی بوەستێنیت، کە دواجار دەکرێت کڵاوەی ئەتۆمی پێوەبلکێندرێت. رێکخراوەی وزەی ئەتۆمی جیهانی رێگەی بە ئێراندا ئەو پارەیەی بەهۆی رێککەوتنەکە بەدەستیدەگات بۆ بوژاندنەوەی ئابووری وڵات بەکاریبێنێت. بەڵام رژێمەکە دواتر رەتیکردەوە بەو کارەش هەستێت”.
تُتاح هذه الصورة أيضا في: کوردی