بكۆژێ شوفێرێ تهكسیا چرهى هاته دهستهسهركرن
باسنيوز:
وەلاتیەک خهلكێ كومهلگهها چرهى یا سهر ب ناحیا قهسرۆك پشتی سێ رۆژان دهما سپێدێ ژ مالا خو دهركهفتى بو كارێ خو یێ رۆژانه كو شوفێرێ تهكسیێ بو تەرمی وی دۆزرانەوە، ئاسایش و پولیسێن دهڤهرا بهردهرهش، ڤه ئهو تاوانباره هاتیه دهستهسهر كرن.
هێمن سلێمان بهرپرسێ راگههاندنا پولیسێن پارێزگهها دهوكێ، بو (باسنیوز) دا دیاركرن: ”پشتى كو ل رێكهفتى 18/5/2018 وهلاتیهك ب ناڤێ ( محهمهد شهعبان) خهلكێ كومهلگهها چرهى یا سهر ب ناحیا قهسرۆك ل سنورێ قهزا شێخان دهما سپێدێ ژ مالا خو دهركهفتى بو كارێ خو یێ رۆژانه كو شوفێرێ تهكسیێ بو و بو دهمێ چوار رۆژان ئهو كهسه بێ سهرۆشوین بو و بهرزه بویه و ل رۆژا 21/5/2018 ل گوندێ (خاتیناڤا)ل سنورێ ناحیا (زێلكان) ڤه تهرمێ وى هاتیه دیتن و پشتى تهرمێ وى بو نوژداریا داد ل دهوكێ هاتیه هنارتن و دیار بویه كو ئهو كهسه ب گولهكێ هاتیه كوشت“.
ناڤبرى گوت ژى: ”دوهى ل رێكهفتى 21/5/2018 ژ لایێ ئاسایش و پولیسێن دهڤهرا بهردهرهش ڤه ئهو تاوانباره هاتیه دهستهسهر كرن ئهوێ ئهو كهسه كوشتى و ژلایێ پولیسان ڤه هاتیه دهستهسهر كرن و دێ بو دادگههێ هێته رهوانهكرن و دێ ل دیڤ بهندێن یاسایێ گههیته مافێ خو“.
ههمان بهرپرسى ئهو چهنده نهڤهشارت: ”ئهوى تاوانبارى ترۆمبێلا وى كهسێ كوشتنى ژ رهنگێ رهش بو رهنگێ سور گوهرى بو تا كو پولیس وكهسێن دهوروبهر ب ئهڤێ چهندێ د ئاگههدار نهبن ئهو كهسێ ب ناڤێ ( محهمهد شهعبان) خهلكێ كومهلگهها چرهى یه ژ لایێ كهسهكێ ب ناڤێ (ب.ف.م) هاتیه كۆشتن و ئهگهرێ كوشتنێ كو كۆژمهكێ بچویك یێ پارهى بویه و ئهو كهسه ل دیڤ یاسایێ دێ گههیته سزایێ خو“.
تُتاح هذه الصورة أيضا في: کوردی