پرۆژەكی نوو هەیە
تۆرا لالش یا راگههاندنێ
هۆزانڤان و شێوەكارێ شنگالێ(فەلاح ئەلرەسام) پشكداری دچەند ڤیستەڤالان دا كریە و چەندین تابلۆ لسەر رەوشا ئاوارەیان دناڤ كەمپان دا ل سنوورێ پارێزگەها دهۆكێ چێكرینە،یێ كار بۆ ڤەكرنا پرۆژەكی نوو دكت.
لدۆر كارێن خۆ دبوارێ شێوەكاری دا فەلاحی گۆت:ل تەمەنێ كچكاتیێ دا كارێ شێوەكاریێ دكر و ل ئاستەكی حەز ژ ڤی بواری كر كو هەكە پێنووس و لاپەر نەبانە ب تلیێن خۆ لسەر ئاسمانی چێدكرن،بابەتێن تابلۆیێن من دخەیالی نە و دەربرینێ ژ حالەتێن بەرچاڤ دكن،ل ڤێ داویێ ژی هندەك تابلۆ چێكرینە دەربرینێ ژ رەوشا ئاوارەیان دناڤ كەمپان دا دكن و ئەو دەستپێكا پرۆژەیەكی نە لسەر كاردكم ،داكو پێشانگەهەكێ ڤەكەم هەتا تەمام دكەم،دیسان ل ڤیستەڤالێن بنگەهێ لالش ل سنوونێ و بۆرك و خانەسۆرێ و چەند كۆمەلگەهێن دی ب پشتەڤانیا هەڤالان پشكداربوویە.
دەربارەی هۆزانێ ژی دا زانین، دتەمەنێ (20)سالیێ دا بۆ جارا ئێكێ دەست ب نڤیسینا هۆزانان كریە،نهۆ نێزیكی(200)هۆزانان هەنە پتریا وان ئازادن پێكهاتینە ژ بابەتێن عاتیفی و خەیالی،ئاشكەراكر ژی چەند هۆزان لدۆر جینۆسایدا ئێزدیان ل شنگالێ و بەرخودانا كورێن رۆژێ ل دژی هێزا تیرۆرستان ل سالا (2014 _2015)ێ هنە،زێدەباری كۆمەلەكا هۆزانان لژێر ناڤێ(سەمفۆنیا ژیانێ) ل سالا(2010)ێ بەلاڤ كربوو.
ل داویێ دیاركر،لڤێ دەمێ نهۆ دا ئەو بتنێ هۆزانێن خۆ لسەر تۆرێن جڤاكی بەلاڤ دكت.
تُتاح هذه الصورة أيضا في: کوردی