ل رۆژا جیهانیا زارۆكان..زارۆكێن ئێزدی خەمبارن
لەیت حسێن
رۆژا ئێكی حوزەیرانا هەر سال كو هاتیە ناسكرن ب رۆژا جیهانیا زارۆكان ل سەرانسەری هەموو جیهانێ ،كە واتا رۆژا كەیف خۆشی و مافێ زارۆكانە و دابینكرنا ژیانەكا خۆش و بەختەوەر بۆ هەر زارۆكەكی ل جیهانێ یە،بێ گۆمان ژی ئەڤ رۆژە ل تەڤایا وەلاتێن جیهانێ دئێتە ساخكرن وەكو رێزگرتنەك بۆ مافێ زارۆكان و سەلماندنا وێ یەكێ كو بێ گۆمان زارۆك ژی تەخەكا گرنگن ژ هەر جڤاكەكی.
ل وەلاتێن ئەورۆپی و ئەمریكا مافێ زارۆكان یێ پاراستی یە و ئەو ژی مینا هەموو تەخێن دی یێن جڤاكی دژیانا خۆ دا دبەختەوەرن و مافێ وان پێ دئێتە دان،لێ بەلێ ب مخابنی ڤە و زۆر بەداخەوە كو ئیرۆ رۆژ ل پتریا وەلاتێن رۆژهەلاتا ناڤین و ب تایبەتی ژی ل عێراقێ نهۆ ب هەزاران زارۆكێن ئێزدی دئاوارەنە ل كەمپێن جودا جودا یێن هەرێما كوردستانێ دا و هەروەسا هژمارەكا زۆر ژێ پەنابەرن ل وەلاتێن ئەورۆپی مینا ئەلمانیا و یۆنانستانێ و ل گەلەك وەلاتێن دی و ژیانا وان زۆرە ب زەحمەتە كو ئەو زارۆك هەر ژ پێشیا كۆمكوژیا ل شنگالێ لسەر دەستێ داعشێ و هەتا نهۆ ژی دنالینن و گەلەك خەمبارن،ژبەركو چوو مافێ وان لڤی وەلاتی نەهاتیە پاراستن لێ زۆر بەداخەوە بەروڤاژی ڤێ یەكێ هەردەم لڤی وەلاتی زارۆك قوربانیێن ئێكێ نە و دبێ مافن و هژمارەكا مەزن ژڤان زارۆكان پشتی وێ كۆمكوژیا ل شنگالێ روودایی ئێختیم و سێوی مان.
هەروەسا هژمارەك ژ زارۆكێن ئێزدی هەر ژ كۆمكۆژیا ل 3ی تەباخا2014ێ و هەتا نهۆ ژی ل زیندانێن تاری یێن تیرۆرستێن داعشێ دا دگرتینە و بێ سەروشوونن و پتریا وان زارۆكان ژلایێ رێكخراوا توندرەوا داعشێ ڤە هاتبوونە مەشقدان و ب زۆری دكرن شەهدا ئایینێ ئیسلامێ بدەن و ب زۆری دبرنە شەری،كو ل هەمبەر هێزێن ئازادكرنا دەڤەرێن جودا جودا ل عێراقێ و سوریا ب سەكنن كو هژمارەك ژێ دهاتنە كوشتن،ئەڤە ژی هەڤدەمە لگەل وێ یەكێ كو هەموو زارۆكێن جیهانێ ڤێ رۆژێ ب ئاهەنگ و دیلان و خۆشی ساخ دكن.
تُتاح هذه الصورة أيضا في: کوردی