باھۆزا جزیرێ: ھەسەدە گەھشتە سنۆرێن ئیراقێ
WAAR-دهۆك:
ھێزێن سووریا دیمۆکرات ھەسەدە ئەڤرۆ د رۆژا 21 یا قوناغا دوێ یا ئۆپەراسیۆنا باھۆزا جزیرێ گەھشتن سنۆرێ ئیراقێ.
ل گۆرەی ئاژانسێن نێزیکی یەپەگێ، ئەڤرۆ شەرڤانێن ھەسەدێ د بەردەوامییا قۆناغا دوێ یا ئۆپەراسیۆنا باھۆزا جزیرێ دا ئەوا کو شەرڤانان بەری 21 رۆژان ژبۆ پاقژکرنا ھەردوو پارێزگەھێن دێرەزوور و حەسەکێ دژی تیرۆرستێن داعشێ دەستپێکری، گەھشتن سنۆرێن ئیراقێ.
شەڤا پێنج شەمبییا بۆری ھەسەدێ پشتی گۆندێ زیبە ل نێزیکی باژارکێ دشیشێ کۆنترۆل کری راگەھاندبوو، کو ب تەنێ 6 کیلۆمەتران ژ سنۆرێن ئیراقی دوورن.
جھێ ئاماژە پێ کرنێ یە، کو ئارمانج ژ ئۆپەراسیۆنا باھۆزا جزیرێ پاقژکرنا ھەرێمێن رۆژھەلاتا فۆراتێ بۆ ژ تیرۆرستێن داعشێ، ھەسەدێ ئەو ئۆپەراسیۆن ب ھەماھەنگی دگەل حکوومەتا ئیراقێ دەستپێکربوو.
تُتاح هذه الصورة أيضا في: کوردی