مەسروور بارزانی: پێدڤی یە رەوشا دەڤەرێن کوردستانی بهێتە ئاساییکرن
WAAR-دهۆك:
شیرەتکارێ جڤاتا ئاسییشا هەرێما کوردستانێ رەوشا ئێمناهییا دەڤەرێ و رووبرووبوونا تیرۆرێ ل گەل جێگرێ فەرماندارێ هێزێن هەڤپەیمانان گۆتوبێژ کر.
مەسروور بارزانی، شیرەتکارێ جڤاتا ئاسییشا هەرێما کوردستانێ ئەڤرۆ ل گەل جێنەرال وۆلتەر پایێت، جێگرێ فەرماندارێ هێزێن هەڤپەیمانیا نێڤدەولەتی ل ئیراق و سووریێ کۆم بوو و هەردو ئالییان دوپاتی ل گرنگییا بەردەوامیا هەماهەنگییا هێزێن پێشمەرگەی و هێزێن هەڤپەیمانان ل هەمبەر تیرۆرێ کر.
مەسروور بارزانی هەروەسا راگەهاند: پێدڤی یە هەموو ئالیێن پەیوەندیدار خو ژ ئاساییکرنا رەوشا دەڤەرێن کوردستانی یێن دەرڤەی ئیدارەیا هەرێما کوردستانێ بەرپرس بزانن و هەرزو بزاڤان ژبۆ بکەن.
گۆت ژی: پێشمەرگە و هێزێن ئێمنی یێن هەرێمێ ژبۆ وێ یەکێ ئامادە نە.
ژ ئالیێ خوە ڤە جێگرێ فەرماندارێ هێزێن هەڤپەیمانان دوپاتی ل بەردەوامیا هاریکاری و مەشقدانا پێشمەرگەی کر و هەماهەنگیا ههردو ئالییان ب سەرکەفتی ناڤ کر.
تُتاح هذه الصورة أيضا في: کوردی