ئەزێ هەرم
عادل یوسف
ئەزێ هەرم …نەساغ ل هیڤیا من رادوەستن
وەسا ب گرنژینەكا مۆهركری ..هەرۆ لمە بو خاتر خوەستن
تالیا گەلەك گالەكالابوو و دەستپێكا گەلەك ئۆغرە
گەلەك برین دەرمان كرن ..هیڤی ل هەناسە سواركرن
لێ،دبێ دەنگیا ئێڤارەكا كە بوخچكیت منێكیت خوە مە ژ سوارێ رۆژئاڤایێ رە ژ دوعایێت خێر و ڤەگەریانا وندابوویا تژی دكرن
بێی قەدەر برینە ئێشەكا قاسی بێ دلۆڤانیا خوە هدایەت بكە، كین ب پێلێت خابووری ل هەناسێت ساخكەرەكی برینا وەركرن
چ رێیێت بەهیێ نەمابوون وێ قەدەرێ پێ داغەك درویێ خوەشیا مە نەكرن
هەتا ب چێكرنا قرێژا هزرا ملیارە پتر
شنگال و پارچەك ژ بەسمایێ گۆری كرن…
قەی وجدان نەهەژیە ب قیرینەكا داكا خدر ژ كەزەبەكە تژە ژ پرتێت پێلێت ئاگرێ دوركەفتنێ
د سەردا هەی قەدەرێ، شیهنا دوعایێت مری تە دا كرن ب مزگینەكا سارەمرنێ
مانا وێ دایكێ دغوربەتەكا وندادە وێنێ بەلەنگازیێ دپشت پەردێت تەدا دشكاند
لێ بەدكاریا تە قەدەرێ ..مرن ژی لسەر كەزەبێ دا لەیزاند
هَیژ هێسترێت گریێ بەلەنگازیێ ژ سەر روویێت وێ نەچۆبوون
سەرما و شەفنەمە قژینا چلان ژ لاشێ بابۆ ڤەنەبوون
خویشك و براك ب مزگینا هاتنەكێ شانەبوون
سپیتایە كراسێ تەختوریێ ژ خوێهدانێ نیشان نەبوو
…پا نە زوو بوو
پا نە زوو بوو كەنێ مەلاكە ژ سەر روویێت سەیدۆ بكەڤێ
سەیدۆكێ من ب دو رەفێ لاڤنج بكەڤێ
ئۆمیدێت زارۆكینی ژ نوژیندا توو بكوژی
یێت مایین توو بكەی نیڤ ژی
ئەڤ چ مرن بوو ..سەیدۆ نەژ هەژی
زارۆكیە چیرۆكا بابۆی بەلەنگازیێ وا داگیركری
گەلەك جارا كراسێ مرنێ وی لبەر خوە كری
جار جانێ خوە ل مەیدانكا دكرە گۆری..
جار خوە لێكدا دا بگەهێ پاریێ ئیرۆی
سبە بهێلێ بۆ خودایێ رێبەری
وەسا ب محبەتا زارۆیێت خوە دچۆ مەیدانێت جەنگ و شەری
سەرێ خوە ل ساغیا وانددا ب لەشكەری
جار ژ دكتۆریا سەیدۆ رەبوو
جار ژی دەرچۆنا خدری
بەس هەموو پلانا ب مەرە چەپ خوەدا
گری بۆ گرێكا سەكنی، دنازكیا دلێ بەسمەدا
ئەز وێ خەما وێ دبینم.. ژ هێسترێت لسەر گۆرستانا خەون و ئارمانجێت مری و وندابوویەكی دبارینێ
ب رۆژ ب قیژین و شیهنا كەسا د هزرا هەردوو براكێت خوەدا وندا دبێ
و شەڤێ ژی ب هێستر و نالینا د هزرەتا هزرەكێ كاربێ گاڤەكا ب تنێ وێ دخوەشیەكا خاپینۆك ڤەگەرینێ
هەیڤەكا ئێخسیر د تاریا شەڤادە
و رۆژا فەتسی د پێلێن ئەورادە
وەسا شەڤ و رۆژ ل وێ رەشكرن
و جلكێن ژ رەنگێ خوە دبەژنا زارۆكینیا وێ كرن
و كراسكێن سۆر و جەمبەلی هەر ژ نووبهارە وێدا وندا كرن
و دلێ وێ ژی ژ بێ بەهریا خۆشیێ
بوویە كافلێ نەخۆشیێ
لێ خوداوۆ ..مەزناتیا برینێت وان تە ل هندرودا مەزنتر دكن
ژ تە و پێڤە منێك نینن وێ ژ كێ بكن
ب تنێ توویی هیڤی
بەلكیگی تالانێ بكەی نیڤی
تە سەیدۆ ژ مە هەمووكا بر
بەلكی خدر ل مە ڤەگێری
جانێ من ژێرە دیاری
ژ رێیا هاتنا ویرە روهنی
بەلكی رۆژا سپی ل مەبێ
ب هاتنا وی ئەم بێهن بكن شاهی
ڤا بەلەنگازبوون پتر رابوون …ژێك دوركەفتن لێ نە كەتن
دوركەتن ژی ژ وانرە نەهارە مرنێ یە
لێ نكارێ روهنیە رێڤەكەرە ژیانێ بشەوتینێ
و نە هزرا خەونێت ئاوات بمرینێ
بەسمە دێ ژ ئێشا ڤێ برینێ دل كەیە خیڤەكا دلۆڤانیێ كە سێویا بحەوینێ
د وردە گرنژینا سەیدۆ وێ ساغ ببێ
و ل گۆرچكا ڤێ قەدەرێ دا رم ببێ
بلا سەیدۆ و جانگۆریێت مە د دیوانا خودێ مێهڤان بن
ئەم ژی بەسمە هەتا ئەم هەینە ل ڤێ دنێ ژ تەرە برا بن
تُتاح هذه الصورة أيضا في: کوردی