مەحما خەلیل: بەردەوامی ب پێنگاڤێن شۆڤینی یێن بەعسی دژی ئێزدیان دئێنە دان
باسنيوز:
قایمقامێ قەزا شنگال دیار كر: “رژێما ژناڤچوو یا عێراقی پێنگاڤێن شوڤینی دژی ئێزدیان دهاڤیتن، نۆكە ژی بەغدا بەردەوامی ب هاڤیتنا وان پێنگاڤێن شوڤینی دژی ئێزدیان ددەت”.
مەحما خەلیل، قایمقامێ قەزا شنگال بۆ (باسنیوز) دیار كر: “زڤرینا تیرۆرستێن داعش بۆ دەڤەرا شنگال بوویە ئەگەر خەلكێ شنگال بێ ئومیدبن ژ بەغدا وئێزدی قەستا كۆچبەری بكەن. مە وەسا هزردكر دێ حكومەتا مووسل بیتە پارێزەرا لێقەومایێن ئێزدی، مخابن وەسا دەرنەچوویە و نەبوویە پارێزەرا خەلكێ. نۆكە ژی موئامرە ل سەر ئێزدیان دهێـتە كرن، هەموو رێك دهێنە خوشكرن بۆ زڤرینا تیرۆرستان. ئەڤە دەمەكێ دایە هەموو دەولەتێن جیهانێ پشتەڤانی دكەن تیرۆرستێن داعش بهێنە سزادان، مخابن بەغدا رێ خۆش دكەت تیرۆرستێن داعش وكەسێن پشتەڤانیا تیرۆرستان كرین ل تەباخا سالا 2014ێ، زڤرنە سەر جهێن خوە ل دەڤەرا شنگال”.
خویا ژی كر: “خەلكێ شنگال دلگرانن ژ هاتنا وان عەرەبێن پشتەڤانیا تیرۆرستێن داعش كرن ونابیت بهێنە لێبۆرین چونكو دەمێ تیرۆرست دهێنە لێبۆرین مەترسیا مالوێرانیەكا دی ل سەر ئێزدیان دروست دبیت”.
تُتاح هذه الصورة أيضا في: کوردی