مەحموود ئێزدی: پارتی باوەری و هێزە، خەلک دێ دەنگێ خۆ دەنێ
دهۆک-KDP.info-
بەرپرسێ لقێ ٢٠ـ ێ شێخان- ـێ پارتی دیموکراتی کوردستان ئاماژە ب وێ یەکێ دکەت، کو پارتی تاکە هێزە کو شیایی ل هەمبەر دوژمنی ڕاوەستیت و ئەفسانەیا داعشێ ژناڤ ببەت.
پارتی دیموکراتی کوردستان خودان جەماوەرەکی مەزن و جهێ باوەریا خەلکێ کوردستانێ بوویە و ل ساڵا ١٩٤٦ـی هاتیە دامەزراندن، هەردەم دگەل گەل و مللەتێ خۆ بوویە، و ڕۆژ بۆ رۆژێ بوویە جهێ باوەریا خەلکەکی.
د ڤی بیاڤی ژی دا، مەحموود ئێزدی، بۆ ماڵپەرێ فەرمیی یێ پارتی دیموکراتی کوردستان خویاکر، خەلک گەهشتیە وێ باوەریێ بتنێ پارتیە دشێت دەستکەفتێن کوردستانێ ب پارێزیت و ئێکەم پارتا کوردستانی یە ل باشوور و تەڤاهیا پارچێن دی یێن کوردستانێ شیایە ژ هەموو ڕوویان ڤە پشتەڤانێ سەرسەختێ خەلکێ خۆ بیت.”
پارتی دیموکراتی کوردستان ب دروشمێ ئاڤاکرنا کوردستانەکا بهێز و ب ژمارا ١٨٣ـی پشکداری د هەلبژارتنێن پەرلەمێنتۆیا کوردستانێ کریە، و وەک دەزگەهێن ڕاپرسیێن هەرێمێ و نافچەیێ ددەنە خویاکرن کو پارتی دێ دەنگێن خۆ زێدەکەت.
هەروەسان ئێزدی خویاژی کر، پارتی دیموکراتی کوردستان وەک پارتە دیموکراتخواز و نشتیمانپەروەر هەردەم پشتەڤانێ خەلکێ کوردستانێ بوویە و چوجاران پشتا خۆ نەدایە خەلکێ خۆ هەردەم د خۆشی و نەخۆشیێن گەلێ خۆ دا ل گەل خەلکێ خۆ بوویە ژبەرهندێ ژی پارتی شیایە ببیتە جهێ باوەریێ دناڤ خەلکێ خۆدا.
ناڤهاتی ئاماژە ب وێ یەکێ کر، ب تایبەت خەلکێ شێخان د ئامادەنە دەنگێ خۆ بدەنە لیستا ١٨٣ـێ یا پارتی چونکی خەلکێ ڤێ دەڤەرێ کو نێزیکی سەنگەرێن شەڕی بوون و دزانن کی ئێکەم پارتە سیاسییە نەهێلایی شەرەف و کەرامەتا تاکێ کورد بشکێت و ئەفسانەیا داعشێ تێکشکاند.
پارتی د هەلبژارتنێن پەرلەمێنتۆیا ئیراقێ دا شیا بێیتە ئێکەم پارت ل سەر ئاستێ ئیراقێ و ٢٥ کوڕسیێن پەرلەمانی ب دەستڤە ئینان.
تُتاح هذه الصورة أيضا في: کوردی