رۆمانەك لدۆر جینۆسایدا ئێزدیێن شنگالێ دێ ئێتە بەلاڤكرن
تۆرا لالش یا راگەهاندنێ 
رۆمانا(هدیە العید) لدۆر جینۆسایدا ئێزدیێن شنگالێ یە ژلایێ كچەكا ئێزدی ڤە هاتیە نڤیسین،كو ب هەرسێ زمانێن كوردی و ئەرەبی و ئنگلیزی دڤێ هەیڤێ دا دێ ئێتە بەلاڤكرن.
دەربارەی نڤیسینا رۆمانێ كچا ئێزدی(سوزان خێری) بۆ رۆژناما دەنگێ لالش ئاشكەراكر، ژ مێژە هزرا نڤیسینا رۆمانەكێ كربوو لدۆر وێ جینۆسایدا ل سالا(2014)ێ ل شنگالێ بسەرێ مللەتێ ئێزدی دا هاتی و پشتی چەندین پەرتۆك خووندین یێن كو لڤی بواری دا نڤیسین ژ هۆزانڤان و ئەدەب ناسان ب دەنگی و ب نڤیسانێ ژ خەلكێ مە یێ شنگال یێن كو ل روودانا دا بوون،من ژی دیت ئێزدی پێتڤی وێ یەكێ نە كو لسەر رەخێ قارەمانیێ را بنڤیسن یا كو وان كری سەرەرای كۆمكوژیێ و رەوشا خراب،ئەڤە ئەو رێبازە ل ناڤ هەموو مللەتان ل بەرگریا هەمبەر زۆریێ،ئەڤ رۆمان بناڤێ(هدیە العید) هاتیە نڤیسین و لدۆر وێ چەندێ یە كو چاوا پشتی داعش دەڤەرێن ئێزدیان داگیركرین ئەو ژ جیێن خۆ دەركەفتن و كۆچبەربوون و ئەو نەخۆشیێن ل چیایێ شنگال دا دیتین و كەفتنا ب هەزاران كەسان بۆ ناڤ دەستێ داعشێ دا،دیسان پەرتۆك ب هەر سێ زمانێن كوردیا لاتینی و ئەرەبی و ئنگلیزی دێ ل ڤێ هەیڤێ دا ئێتە بەلاڤكرن.
سوزانێ دووپاتكر،هەموو كارێ ڤێ رۆمانێ لسەر كیستێ خۆ كریە بگرە ژ چاپكرنێ و هەر تشتێ دیتر و ئێكەمێن پێنگاڤا وێ یە دبوارێ ئەدەبی دا،هەروەسا ل دەمێن بێت دا دێ ل پێشانگەها هەولێر یا نێڤ دەولەتی ئێتە نمایشكرن،پێتڤیە دڤی بواری دا گەنجێن ئێزدی رابنە سەرخۆ ب تایبەت كچ پەیاما خۆ بگەهینن.
تُتاح هذه الصورة أيضا في: کوردی