پارتی و ئێكهتی و گۆڕان دێ ل دۆر پێكئینانا حكومهتێ كۆم بن
WAAR-دهۆك:
بریاره ل حهفتییا بهێت پارتی و ئێكهتی و گۆڕان، كۆمبوونهكا سێ قۆلی ل دۆر بهرنامهیێ پێكئینانا كابینهیا نوو یا حكومهتا ههرێمێ بكهن.
عهلی حهمه سالح، ئهندامێ شاندا دانوستاندكارا گۆڕانێ بۆ وار راگههاند؛ پارتی ئهو هایداركرینه كو دێ كۆمبوونهكا سێقۆلی د ناڤبهرا پارتی و ئێكهتی و گۆڕانێ دا هێته كرن و كۆمبوون تایبهته ل دۆر بهرنامه و چهوانییا پێكئینانا كابینهیا نوو یا حكومهتا ههرێما كوردستانێ و پشكا ههر ئالیهكی ژ پۆستێن حكومی.
گۆت ژی: چاڤهرێیه كۆمبوون یا گرنگ و بهرههمداربیت، ژ بهركو دێ ب ئاشكرایی باس ل ههموو پرسێن ئالوز یێن د رێیا پێكئینانا حكومهتێ دا هێته كرن و بهرنامهیێ ههڤپشك بۆ كابینهیا نوو ژی دێ هێته بهحس كرن.
ل گۆرهی زانیاریێن وار، كۆمبوونا سێ قۆلی دێ ل ناڤهراستا حهفتییا بهێت ل ههولێرێ هێته كرن و ههرسێ ئالی دێ ب شاندێن بلند پشكدار بن.
تُتاح هذه الصورة أيضا في: کوردی