پوبجی كارتێكرن ل خووندنا قوتابیان كریە
تۆرا لالش یا راگەهاندنێ
یاریا پوبجی ب شێوەكی بەرچاڤ ل هەرێما كوردستانێ بەربەلاڤ بوویە،رێژەكا زۆر یا گەنج و قوتابیان پێڤە هاتینە گرێدان و بكاردئینن،كو كارتێكرنا مەزن لسەر خووندنا قوتابیان كریە.
لدۆر كاریگەریا یاریا پوبچی(سفیان عیسی)قوتابی یە ل كولیژا دەرونناسیێ بۆ رۆژناما دەنگێ لالش دیاركر،هەر ژ دەما یاریا پوبجی دەركەفتی دناڤا جڤاكێ مەدا ژمارەكا زۆر یا گەنج و قوتابیان ب شێوەكی پوزەتیف بكاردئینن و بتریا دەمێ خۆ ب وێ یاریێ ڤە دەرباز دكن،ب تایبەت قوتابی هندەك جاران هەتا دەمژمێر چاری سبەیكێ وێ یاریێ دكن و بوویە ئەگەرا هندێ خووندنا خۆ پشتگوهـ پاڤێژن و نمرێن وان گەلەك هاتینە خوارێ،باشترین رێ بۆ چارەسەركرنا ڤێ ئاریشێ خێزانێن وان ب شێوەیەكی باش چاڤدێریا زارۆكێن خۆ بكن و نەهێلن بۆ ماوەكی درێژ بكاربینن.
هەروەسا(فارس شنگالی) قوتابیەكی پۆلا یازدێ وێژەیی یە بۆ رۆژناما دەنگێ لالش دبێژت:هەر ژ دەستپێكا هاتنا ڤێ یاریێ بتریا دەمێ خۆ پێڤە دەربازدكر و هەردەم ل كافتریا بكاردئینا و هەتا دەرنگی شەڤێ ژی بتنێ ئەو كارێ من بوو،وەسان هزردكر گەلەك ب زەحمەتە بكارم دەست ژێ بەردەم و ڤێ یاریێ كۆنترۆل لسەر مێشكێ من كربوو كو ب ئێكجاری قوتابخانە پشتگوهـ هاڤێت بوو،پشتی دیتی رۆژ بۆ رۆژێ دەمی ب هەروە دبەت ل داویێ ب تەمامی دەست ژێ بەردا،داخوازا من ل هەموو قوتابیان ئەوە گرنگیێ ب خووندنا بدەن و دەمێ خۆ ب تشتێن بێ مفا نەبۆرینن.
تُتاح هذه الصورة أيضا في: کوردی