حكومهتا ههرێمێ دێ پرۆژەیێ چاكسازییان هنێریته پهرلهمانى
WAAR-دهۆك:
جڤاتا وهزیرێن ههرێما كوردستانێ كۆم بوو و بریاردا دهستكارییا پرۆژهقانوونا چاكسازییا مووچه و خانهنشینییێ بكهت و بهنێریته پهڕلهمانى.
جڤاتا وهزیرێن ههرێما كوردستانێ ئهڤرۆ سپێدێ سێیهم كۆمبوونا خوه ب سهرۆكاتییا مهسروور بارزانی، سهرۆكێ وهزیران كر و گۆتوبێژا داهات و خهرجییێن ههرێمێ و چهوانییا رێكخستنا وان، ههروهها دامهزراندنا جڤاتا راژهیا مهدهنی كر، كو ئێك ژ برگهیێن چاكسازییا كابینهیا نههێ یه.
د راگههاندنا جڤاتا وهزیران دا هاتییه، د كۆمبوونێ دا، گۆتوبێژا پرۆژهیا چاكسازییا مووچهی و خانهنشینییێ هات كرن و بریار هاتهدان، كو پرۆژه بهێت دهستكارى كرن و پاشان بۆ پهڕلهمانى بهێت رهوانهكرن.
ههروهها باس ل گۆتوبێژێن ههولێر و بهغدایێ بۆ چارهكرنا ههموو كێشهیان كر، كو لژنهیێن تهكنیكى یێن ههردو ئالییان ئامادهكاریێن خوه كرینه و د نێزیكترین دهم دا، دێ دهست ب دانوستاندنان كهن.
تُتاح هذه الصورة أيضا في: کوردی