پارتی: یا ئەڤرۆ ل سەماوا رووودای رەفتارا بەعسییان بوو
WAAR-دهۆك:
فراكسیۆنا پارتى ل پهرلهمانێ كوردستانێ راگههاندنهك ل دۆر بێرێزییا ئهفسهرهكێ ئیراقێ ب ئالایێ كوردستانێ بهلاڤکر و راگههاند: چ جوداهى د ناڤبهرا وێ رهفتارێ و هزرا بهعس دا نینه و پێدڤی یە سهرۆككۆمارێ ئیراقێ ههلویستهكى نیشان بدهت.
فراكسیۆنا پارتى ئاماژه دایه روودانا ئهڤرۆ سپێدێ ل سهماوا، دەما ئهفسهرهكێ سوپایێ ئیراقێ رێگریێ ل كهسوكارێن ئهنفالكریان دكهت، ب ئالایێ كوردستانێ ڤه بچنه جهێ ههلدانا گۆڕێن بكۆم و دبێژیت ئالایێ كوردستانێ یێ قهدهغه یه.
فراكسیۆنا پارتى دلگرانییا خوه نیشان دایه و راگههاندییه، ئهڤ رووودانه ناهێت قهبوولكرن و پێدڤی یه ئهو ئهفسهر بهێته سزادان.
پارتى داخوازا ههلویستى ژ سهرۆككۆمارێ ئیراقێ ژى كرییه و راگههاندییه، کو ئهڤ روودانه ل پێشچاڤێن شیرهتكارێن سهرۆككۆمارى چێبوویه، كو پارێزهرێ دهستوورى یه، پێدڤی یه پهرلهمانتارێن كورد ل بهغدا داخوازا رۆنكرنێ ژ وهزارهتا ناڤخوهیا ئیراقێ بكهن.
تُتاح هذه الصورة أيضا في: کوردی