مهسروور بارزانى: كار بۆ قهرهبووكرنا كهسوكارێن ئهنفالكرییان بهردهوامه
WAAR-دهۆك:
سهرۆكێ حكومهتا ههرێما كوردستانێ پهیامهك د 36 سالیا ئهنفالكرنا بارزانییان دا بهلاڤ كر و راگههاند: دانوستاندنێن وان ل گهل حكومهتا ئیراقێ بهردهوامن و دێ ب ههموو شیانان كار بۆ ڤهگهراندنا مافێن كهسوكارێن ئهنفالكرییان كهن.
د پهیاما خوه دا سهرۆكوهزیر مهسروور بارزانى دیار كر، جینوسایدكرنا بارزانییان دهستپێكا ههوهكا رهگهزپهرستى یا رژێما بهعس بوو ل دژى گهلێ كوردستانێ و د دهمێ بوورى دا ب دههان جاران دهڤهرا بارزان هاته سۆتن، كۆمكوژكرن و وێرانكرن، لێ دوژمنان نهشیا گیانێ خوراگرى و بهرخودانێ ل بارزان بێ دهنگ بكهن.
دا زانین ژى: ب خوراگرییا گهلێ كوردستانێ و پێشمهرگهیێن قارهمان و خهباتا بهردهوام، دهستكهفت و ههرێما كوردستانێ یا ئهڤرۆ ب دهستڤههاتن و گهلێ كوردستانێ زیندى ما و ئهنفالچى ژى ژناڤچوون.
مهسروور بارزانى كهسوكارێن ئهنفالكرییان پشتراستكرینه، كو دانوستاندنێن وان ل گهل حكومهتا ئیراقێ بهردهوامن و دێ ب ههموو شیانان كار بۆ ڤهگهراندنا مافێن كهسوكارێن ئهنفالكرییان كهن.
تُتاح هذه الصورة أيضا في: کوردی