ل کۆمەلگەھا شاریا کۆمەکا نۆژداران دێ ب خۆبهخشى سهرپهرشتیا نهخۆشێن كۆرۆنایێ كن
ئەڤرۆ نیوز:
کۆمەکا نۆشداران تیما كۆڤید 19 ل کۆمەلگەها شاریا پێكئینا و دێ ب خۆبهخشى سهرپهرشتیا نهخۆشێن كۆرۆنایێ كهن.
نۆشدار شەوکەت عەجاج کۆرۆ، سەرپەرشتیارێ وێ تیمێ بۆ ئەڤرۆ نیوز دیار کر: تیما “COVID-19” : تیمەکا نۆشداری یا خۆبەخشە ،نە حکومی یە ،یا سەربەخۆ یە،تایبەتە ب خزمەتکرنا تۆشبوویێن نەخۆشیا کۆرۆنایێ ڤە ،پێکدھێت ژ کۆمەکا نۆشدار ،پەرستار و کارمەندێن ساخلەمیێ، یێن خوەجھێن کۆمەلگەھا شاریا، ل گەل ھاریکاری یا کۆمەکا گەنجێن کۆمەلگەھێ کو خودان شیانن د وارێن جۆدا جۆدا.
ناڤهاتی گۆت ژی: ژ ئەنجامێ زێدەبوونا رێژا تۆشبوویێن نەخۆشیا کۆرۆنایێ ل کۆمەلگەھا شاریا و پێدڤی یا خەلکێ مە ب ھاریکاریێ، وەک ھەستکرن ب بەرپرسیاتیێ مە ب فەر دیت و مە ب ئەرکێ خوە زانی، ئەم ب ئەرکێ خوە یێ مرۆڤایەتی رابین و ل گەل مللەت و کۆمەلگەھا خوە بین، دڤێ نەخۆشیێ دا ب شێوەیەکێ خۆبەخش.
وی نۆشداری گۆت ژی: ئەرکێ مە، بەلاڤکرنا رێکێن خوەپاراستنێ دناڤ خەلکی دا، دانا رێنمایی و شیرەتان بۆ تۆشبوویێن نەخۆشیا کۆرۆنایێ، بەرسڤدانا پرسیارێن تۆشبوویێن کۆرۆنایێ، چاڤدێری و دووڤچوونا تۆشبوویێن کۆرۆنایێ .
تُتاح هذه الصورة أيضا في: کوردی